မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မဈေး၊ အမှတ် (၂) ဈေးနှင့် ပျံကျဈေးတို့တွင် ပခုက္ကူမြိုနယ်ကျေးရွာများဖြစ်သော ကျွန်းဦး၊ ကျွန်းညို၊ ပခုက္ကူကျွန်း၊ မြင်းကျွန်းကျေးရွာ၊ ကမ္မ၊ မြစ်ခြေတို့သာမက ရှမ်းပြည်နယ်၊ မန္တလေးတိုင်းဒေသကြီး မိတ္ထီလာ၊ ကျောက်ပန်းတောင်းဒေသများမှ ငရုတ်သီးစိမ်းများ၊ မုံရွာဒေသမှထွက်ရှိသော သံဖို (11) ငရုတ်သီးစိမ်းနှင့် အခြားကုန်စိမ်းသီးနှံများလည်း ဝင်ရောက်အရောင်းအဝယ်ဖြစ်လျက်ရှိပါသည်။
ပခုက္ကူဒေသထွက် ငရုတ်သီးစိမ်းများမှာ ပန်းရဲသီး၊ မြှားနီသီးနှင့် ငရုတ်ပွသီးများဖြစ်ပြီး ရှမ်းပြည်နယ်ဒေသထွက်ဖြစ်သော ကျောက်စိမ်းသီး၊ မိုးမျှော်ငရုတ်သီး၊ မန္တလေးတိုင်းဒေသကြီး၊ ကျောက်ဆည်၊ မိတ္ထီလာတို့မှ စက္ကထာသီးနှင့် မုံရွာဒေသမှ သံဖို(11)သီးတို့ဖြစ်ပြီး ၂၀၂၃ခုနှစ်၊ နိုဝင်ဘာလ(ဒုတိယပတ်)တွင်ဖြစ်ပေါ်နေသော ကျောက်စိမ်းသီးဈေးနှုန်းမှာ တစ်ပိဿာလျှင် ကျပ် (၅၀၀၀)၊ မိုမျှော်သီးဈေးနှုန်းမှာ တစ်ပိဿာလျှင် ကျပ်(၆၅၀၀)၊ စက္ကထာသီးဈေးနှုန်းမှာ တစ်ပိဿာလျှင် ကျပ်(၄၅၀၀)၊ သံဖို(11) သီးဈေးနှုန်းမှာ တစ်ပိဿာလျှင် ကျပ်(၆၀၀၀)တို့ဖြင့် အရောင်းအဝယ်ဖြစ်လျက်ရှိကြောင်း မြို့မစည်ပင်သာယာဈေး၊ အမှတ်(၂)ဈေးနှင့် ပျံကျဈေးသည်များထံမှသိရှိရပါသည်။
DOCA(မကွေး)