![](http://www.doca.gov.mm/sites/default/files/styles/consumer_inner_image__847x424_/public/1230.jpg?itok=mzp5u5B-)
စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူးရုံးမှ ဒု-ဦးစီးမှူး ဒေါ်ချိုမီဇင်နှင့် ဝန်ထမ်းများသည် ညောင်တုန်းမြို့နယ်တွင် စိုက်ပျိုးအောင်မြင်ဖြစ်ထွန်းနေသော ဟင်းသီးဟင်းရွက်စိုက်ခင်းများနှင့် တင်ပို့ရောင်းချသည့်နေရာများသို့ (၆.၁.၂၀၂၂)နေ့ နံနက်(၀၉:၀၀)နာရီတွင် ကွင်းဆင်းလေ့လာခဲ့ပါသည်။ အဆိုပါကွင်းဆင်းလေ့လာမှုတွင် ညောင်တုန်းမြို့နယ်၊ ရွှေဟင်္သာကျွန်းကျေးရွာရှိ တောင်သူဒေါ်ချိုစိုက်ပျိုးထားသော ရုံးပတီသီး၊ ချဉ်ပေါင်၊ ဘူးသီး၊ ပြောင်းဖူး၊ ကြက်ဟင်းခါးသီးနှင့် ဒေသမျိုးငရုတ်စိမ်းတို့၏ စိုက်ပျိုးထုတ်လုပ်ပုံ၊ တင်ပို့ရောင်းချမှုနှင့် ဈေးကွက်အခြေအနေများကို လေ့လာမေးမြန်းရာ ယခုရက်ပိုင်းအတွင်း ရန်ကုန်သီရိမင်္ဂလာဈေးနှင့် ဒညင်းကုန်းဈေးများတွင် ဖူးစားပြောင်းတစ်ဖူးလျှင်(၁၅၀)ကျပ်၊ ချဉ်ပေါင်တစ်ထောင်စီး တစ်စီးလျှင်(၃၀၀၀၀)ကျပ်၊ ရုံးပတီ သီးတစ်တောင့်လျှင် (၁၈)ကျပ်၊ ဗူးသီးတစ်လုံးလျှင် (၉၀၀)ကျပ်တို့ဖြင့် ဈေးကွက်တွင် ဈေးကောင်းရ နေကြောင်း သိရှိပါသည်။ ဒု-ဦးစီးမှူး ဒေါ်ချိုမီဇင်မှ ရန်ကုန်ဈေးကွက်ရရှိမှုမှသည် ပြည်ပသို့ တင်ပို့ရောင်းချနေသော ကုမ္ပဏီများနှင့် ချိတ်ဆက်ဆောင်ရွက်နိုင်ရန်အတွက် ဌာနသို့ တင်ပြဆောင်ရွက်မည့် အစီအစဉ်များကို ထည့်သွင်းဆွေးနွေးခဲ့ကြောင်း သတင်းရရှိပါသည်။ စားသုံးသူရေးရာဦးစီးဌာန ဧရာဝတီတိုင်းဒေသကြီး