ပဲခူးတိုင်းဒေသကြီး၊ သာယာဝတီခရိုင်အတွင်းရှိ မြို့နယ်များဖြစ်သော သာယာဝတီ၊ လက်ပံတန်း၊ မင်းလှ၊ မိုးညို၊ အုတ်ဖို၊ ကြို့ပင်ကောက်မြို့များ၌ ပဲခူးတိုင်းဒေသကြီး အစိုးရအဖွဲ့၏ လမ်းညွှန်မှုဖြင့် မြို့နယ်စီမံအုပ်ချုပ်ရေးအဖွဲ့ဥက္ကဌမှ ကြီးကြပ်ကာ အထွေထွေအုပ်ချုပ်ရေး ဦးစီးဌာန၊ စားသုံးသူရေးရာဦးစီးဌာန၊ ငါးလုပ်ငန်းဦးစီးဌာန၊ စည်ပင်သာယာရေးအဖွဲ့၊မွေးမြူရေးနှင့် ကုသရေး ဦးစီးဌာနတို့ ပူးပေါင်းကာ ပြင်ပပေါက်ဈေးထက် ဈေးနှုန်းသက်သာစွာဖြင့် အခြေခံစားသောက်ကုန်များကို ပြည်သူများအား ဇွန်လမှစတင်၍ ယခုနိုဝင်ဘာလထိ နေ့စဉ်ရောင်းချလျက်ရှိပါသည်။
အခြေခံစားသောက်ကုန်များဖြစ်သော ဆန်၊ ဆီ၊ ကြက်သား၊ ဝက်သား၊ အမဲသား၊ ဆိတ်သား၊ ငါး၊ ကြက်ဥနှင့်ဟင်းသီးဟင်းသီးရွက်များကို သက်သာသောဈေးနှုန်းဖြင့် ဒေသခံပြည်သူများကို နေစဉ်နံနက် ၇:၀၀ နာရီမှစတင်၍ ရောင်းချပေးလျက်ရှိပါသည်။ စားသုံးသူပြည်သူများအား ဆန် တစ်ပြည်လျှင် ၂၅၀၀ ကျပ် ၊ ကြက်သား(စီပီ) အကောင်လိုက် တစ်ပိဿာလျှင် ၉၀၀၀/၁၀၀၀၀ ကျပ်၊ ဝက်သား တစ်ပိဿာ ၁၄၀၀၀ ကျပ်၊ အမဲသား တစ်ပိဿာ ၁၄၀၀၀ ကျပ်၊ ဆိတ်သား တစ်ပိဿာ ၂၂၀၀၀ ကျပ်၊ ငါးမြစ်ချင်း တစ်ပိဿာ ၅၀၀၀ ကျပ်၊ ကြက်ဥ တစ်လုံး ၂၃၀ ကျပ်၊ဘဲဥတစ်လုံး ၃၅၀ ကျပ်ဖြင့် အသီးသီးရောင်းချပေးလျက်ရှိပါကြောင်း သိရှိရပါသည်။ စားသုံးဆီများကိုလည်း မြို့နယ်များအလိုက် သက်သာသောဈေးနှုန်းဖြင့် ရောင်းချပေးလျက်ရှိပါသည်။
DOCA(ပဲခူး)