ပြည်ခရိုင်အတွင်းရှိ မြို့နယ်များနှင့် ဈေးများတွင် ပိန်းဥများ စတင်ထွက်ပေါ်နေကြသည်ကို တွေ့ရပါသည်။ ပိန်းဥသည် ပိန်းပင်၏ (ဥ)ဖြစ်ပြီး မြေကြီးထဲက တူးယူရသော သဘာဝဆေးဖက်ဝင် ဥတစ်မျိုးဖြစ်ကာ ယခုဆောင်းရာသီတွင် ထွက်ရှိသော ရာသီစာအစားအစာတစ်မျိုးဖြစ်ပါသည်။ ပိန်းဥကို ပြုတ်၍ စားကြသလို ဟင်းချက်၍လည်း စားသုံးကြလေ့ရှိကြသည်။ ပိန်းဥကို စားသုံးပေးခြင်းဖြင့် အမျှင်ဓါတ်ကြွယ်ဝစွာပါဝင်သောကြောင့် အစာချေဖျက်နိုင်စွမ်းပိုကောင်းစေပြီး ဝမ်းမှန်စေခြင်း၊ လေပွခြင်း၊ ဝမ်းချုပ်ခြင်းနှင့် ဝမ်းပျက်ဝမ်းလျောရောဂါများကို ကာကွယ်ပေးခြင်း၊ ဆီးချိုရောဂါ၊ နှလုံးရောဂါနှင့် မျက်စိကျန်းမာရေးများအတွက်လည်း အထောက်အကူပြုစေသောကြောင့် စားသုံးပေးသင့်သော ရာသီစာ အစားအစာတစ်မျိုးဖြစ်ပါသည်။ ယခုကာလသည် ပိန်းဥပေါ်ချိန်ဖြစ်၍ ပြည်မြို့ဈေး၌ ရောင်းချလျက်ရှိပြီး တစ်ပိဿာလျှင် ၃၅၀၀ကျပ်ဖြင့် အရောင်းအဝယ် ဖြစ်နေကြောင်း သိရှိရပါသည်။
DOCA(ပဲခူး)