ကန်စွန်းဥကို မြန်မာနိုင်ငံဒေသအနှံ့အပြားတွင် စိုက်ပျိူးကြပါသည်။ ကန်စွန်းဥကိုာ ကန်စွန်းပင်ကြီး၏အမြစ်ဥမှရရှိပါသည်။ အပြင်အခွံမှာ ပန်းရောင်ရင့်ရင့်ဖြစ်ပြီး အတွင်းအသားမှာ လိမ္မော်ရောင်၊ အဖြူရောင်၊ ခရမ်းရောင်စသည်ဖြင့် အရောင်အမျိုးမျိုးရှိပါသည်။ ကန်စွန်းဥကို စိုက်ပျိုးရာတွင် သဲမြေ၊ သဲနုန်း၊ နုန်းမြေများတွင်စိုက်ပျိုးကြပါသည်။ ကန်စွန်းဥကိုစိုက်ပျိုးရာတွင် အညွှန့်ကိုယူ၍စိုက်ပျိုးကြပါသည်။ အပင်များစိုက်ပျိုးရာတွင် ပေါင်များပြုလုပ်ပြီး မြေများအားပြုပြင်၍ ၅ပေအကျယ်တွင်စိုက်ပျိုးရပါသည်။ အပင်များစိုက်ပျိုးပြီး မြေပြင်မှ အပင်များထွက်ပေါ်လာသည့်အခါ အပင်ခြေတွင် မြေများဖို့ပေးရပါသည်။ အပင်စိုက်ပြီး အစောပိုင်းတွင် ပေါင်းမြက်များ မကြာခဏရှင်းပေးရပါသည်။ အပင်စိုက်ပြီး နှစ်လခွဲအကြာတွင် အပင်ခြေရင်း၌ မြေများဖို့ပေးရပါသည်။ ကန်စွန်းဥများအား ဈေးကောင်းရရန်အတွက် မရင့်မီအရွယ်ရောက်သောဥများကို စောစွာတူးဖော်၍ ရောင်းချရပါသည်။ ကန်စွန်းဥကို ပြုတ်စားခြင်း၊ ကြော်စားခြင်းဖြင့် အမျိုးမျိုးပြုလုပ်စားသုံးကြပါသည်။
ကန်စွန်းဥများအား သဲမြေ၊ နုန်းမြေများရရှိသော ရွှေတောင်မြို့နယ်ဒေသအတွင်းရှိာ မင်းထဲကျွန်း၊ စစ်ကိုင်းကျွန်း းစသည့်ဒေသများတွင် အများအပြားစိုက်ပျိုးကြပါသည်။ ထွက်ရှိလာသော ကန်စွန်းဥများအား ဈေးကွက်အတွင်းရောင်းချရာတွင် ကန်စွန်းဥတစ်ပိဿာလျှင် (၂၀၀၀)ကျပ်ဖြင့် အရောင်းအဝယ်ဖြစ်နေကြောင်းသိရှိရပါသည်။
DOCA(ပဲခူး)