ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြို့နယ်တာဝန်ခံ ဦးဝင်းမြင့်သည် ၂၀၂၃ခုနှစ်၊ ဒီဇင်ဘာလ (၁၈) ရက်နေ့၊ နံနက် (၉:၀၀) နာရီအချိန်တွင် အစားအသောက်နှင့်ဆေးဝါးကြီးကြပ်ကွပ်ကဲရေးကော်မတီ၊ မြို့နယ်ပြည်သူ့ကျန်းမာရေးဦးစီးဌာနမှ ဒေါက်တာတင်ဝင်းအောင်၊ တိုင်းဒေသကြီးအစားအသောက်နှင့်ဆေးဝါးကွပ်ကဲရေးဦးစီးဌာနမှ ဒေါက်တာအောင်ကျော်ကျော်၊ မြို့နယ်အထွေထွေချုပ်ရေးဦးစီးဌာနမှ ဒု-ဦးစီးမှူး ဦးထွန်းလင်းအောင်၊ အငယ်တန်းစာရေး ဦးကျော်မျိုးသက်၊ မြို့နယ်မွေးမြူရေးနှင့်ကုသရေးဦးစီးဌာနမှ ဒု-လက်ထောက်ကြီးကြပ်ရေးမှူး ဒေါ်ချမ်းမြေ့စိုးဝင်း၊ စည်ပင်သာယာရေးအဖွဲ့ဝင်များ၊ မြန်မာ့နိုင်ငံရဲတပ်ဖွဲ့မှ ရဲတပ်ကြပ်အောင်နိုင်၊ ရဲတပ်ကြပ်ဇေယျာမောင်တို့နှင့်အတူ မြို့ပေါ်ရှိဆေးဆိုင်များသို့စစ်ဆေးရန် သွားရောက်ခဲ့ပါသည်။
ထိုသို့သွားရောက်ခဲ့ရာ၌ ပုသိမ်မြို့ပေါ်ရှိ မြတ်မေတ္တာဆေးဆိုင်၊ ချိုချိုမွှေးဆေးဆိုင်၊ စေတမာန်ဆေးဆိုင်၊ နဝရတ်ဆေးဆိုင်၊ ကိုမြင့်လွင်ဆေးဆိုင်နှင့် အေးရိပ်ထင်ဆေးဆိုင်များတွင်ရောင်းချလျက်ရှိသော ဆေးဝါးများတွင် မြန်မာ့နိုင်ငံဆေးဝါးမှတ်ပုံတင်အမှတ်မပါရှိသောဆေးဝါးများ၊ သက်တမ်းလွန်ဆေးဝါးများ၊ ဆေးဝါးအတုများနှင့် စပ်ဆေးများရောင်းချခြင်းရှိ/မရှိကို ကော်မတီအဖွဲ့ဝင်များနှင့်အတူပူးပေါင်း၍ သွားရောက်စစ်ဆေးခဲ့ကြောင်းသိရှိရပါသည်။
DOCA(ဧရာဝတီ)