တောင်ငူမြို့ အနီးဝန်းကျင် တပိုင်တနိုင်စိုက်ပျိုးရေးလုပ်ငန်းများမှ စိုက်ပျိုးသော ဟင်းသီးဟင်းရွက်များမှာ ထွက်ရှိလာပြီဖြစ်ရာ ညောင်ပင်ဈေးတွင် လာရောက် ရောင်းချ ကြပါသည်။ ဒေသထွက် နံနံပင်မှာ ၁၀ စည်းပါ တစ်ကုံးလျှင် ၄၀၀ ကျပ်၊ ၃ ကုံးလျှင် ၁၀၀၀ ကျပ် ပေးရပါသည်။ ရှမ်းနံနံမှာ ယခင်က ၁၀ ကျပ်သားလျှင် ၂၀၀၀ ကျပ်အထိ ရှိခဲ့သော်လည်း ယခုအခါ တစ်ဆယ် ကျပ်သားလျှင် ၅၀၀ ကျပ်အထိ ဈေးနှုန်းလျော့သွားပါသည်။
ရှမ်းပြည်မှလာသော မုန်လာဥဖြူများမှာ တစ်ပိဿာလျှင် ၂၀၀၀ ကျပ်မှ ၂၂၀၀ ကျပ်အထိ ရှိသော်လည်း ဒေသထွက်မုန်လာဥများမှာ ၅ လုံးတစ်တွဲလျှင် ဥသေး ၁၅၀ ကျပ်၊ ဥလတ် ၂၅၀ ကျပ် နှင့် ဥသေး ၃၅၀ ကျပ် ရှိပါသည်။
ဒေသဘူးသီးမှာ အသေးတစ်လုံးလျှင် ၅၀၀ ကျပ်၊ အလတ် တစ်လုံးလျှင် ၇၅၀ ကျပ် နှင့် အကြီးတစ်လုံးလျှင် ၁၀၀၀ ကျပ်ရှိပါသည်။ ဘူးညွန့်မှာ ၅ ညွန့်ပါ တစ်စည်းလျှင် ၂၀၀ ကျပ်၊ ၁၀ စည်းလျှင် ၁၅၀၀ ကျပ်ဖြင့် ရောင်းချကြောင်းသိရပါသည်။
DOCA(ပဲခူး)