ပဲခူးတိုင်းဒေသကြီး ပဲခူးမြို့နယ် အတွင်းရှိ ဘဏ္ဍာကုန်းကျေးရွာတွင် အသေးစားအိမ်တွင်းမှုလုပ်ငန်း ဖြစ်သည့် မြေအိုးလုပ်ငန်းကို တစ်နိုင်တစ်ပိုင်လုပ်ကိုင်လျက်ရှိကြောင်းသိရှိရပါသည်။
တစ်နိုင်တစ်ပိုင်လုပ်ငန်းဖြစ်သည့်အတွက် လုပ်သားဦးရေ (၃) ဦး(၄) ဖြင့်သာ လုပ်ကိုင်လျက် ရှိပြီး တစ်ရက်လျှင်အိုးကြမ်းအလုံး(၃၀) ထုတ်လုပ်နိုင်ပြီး၊ မြေအိုးတစ်လုံး၏ဈေးနှုန်းမှာ အမျိုးအစား နှင့် အရွယ်အစားပေါ်မှုတည်၍ ၁၅၀၀ကျပ်မှ ၂၅၀၀ကျပ် အထိရှိကြောင်း သိရှိရပါသည်။ တစ်နေ့လျှင် လုပ်သားတစ်ဦးက မြေအိုး(၁၀)လုံး ပြုလုပ်နိုင်ပြီး မြေအိုးတစ်အိုးလျှင် ၄၅၀ -၅၀၀ကျပ်အထိ လုပ်အားခ ရရှိကြောင်း သိရှိိရသည်။စျေးကွက်အနေဖြင့် ပြည်တွင်း၌ မော်လမြိုင် ၊ ရန်ကုန်၊ ကျိုက်ထို နှင့် အခြားမြို့များသို့ လက်လီ လက်ကားပေးပို့ရောင်းချလျက်ရှိကြောင်း သိရှိရပါသည်။
ယခုအခါကိုဗစ် ၁၉ ရောဂါ ဖြစ်ပွားမှုလျော့ပါးလာသောကြောင့် Stay at Home မြို့နယ် များဖြေလျော့ခဲ့ပြီးဖြစ်သဖြင့် လမ်းပန်းဆက်သွယ်ရေးပြန်လည် ကောင်းမွန်လာ၍ ခရီးသွားများ ပြန်လည်များပြားလာမှုကြောင့် မြေအိုး အရောင်းအဝယ်များ ပြန်လည်ကောင်းမွန်လာသည့်အတွက် လုပ်ငန်းများပြန်လည်ဆောင်ရွက်နေရသဖြင့် အိုးလုပ်ကိုင်သူများ ထုတ်လုပ်ရောင်းချရာတွင် အဆင်ပြေ ချောမွေ့လာကြောင်း သတင်းရရှိသည်။
DOCA(ပဲခူး)