![](http://www.doca.gov.mm/sites/default/files/styles/consumer_inner_image__847x424_/public/143_2.jpg?itok=1SAhFRSF)
မိတ္ထီလာခရိုင်အတွင်း လက်ရှိရိတ်သိမ်းနေသော ပြည်တွင်း၊ပြည်ပ ပို့ကုန်သီးနှံများ ဈေးကောင်းရနေကြောင်း သိရသည်။ ခရိုင်အတွင်း မိုးဦးကျ မေ၊ ဇွန်များက သီးထပ်၊ သီးညှပ်စိုက်ပျိုးခဲ့သော ပဲစဉ်းငုံ နှင့်ထောပတ်ပဲ၊ နေကြာ၊ ငရုတ်၊ ကြက်သွန်နီ၊ နွားစားပြောင်းတို့မှာ ယခုအခါ ရိတ်သိမ်းနေကြောင်း သိရသည်။ပဲစဉ်းငုံသီးနှံမှာ ယခင်နှစ်များနှင့်မတူညီဘဲ ကွက်ကြားရိတ်သိမ််းနေရကြောင်း သိရသည်။ ထောပတ်ပဲမှာလည်း ဒေသတွင်းစားသုံးမှုအပြင် ဝယ်လိုအားများခြင်းကြောင်း ဈေးမြင့်နေပါသည်။ နေကြာကို တောင်သူမျာအနေနှင့် စားသုံးဆီ ဈေးမြင့်လာခြင်းကြောင့် ၎င်းတို့ကိုယ်တိုင် စားသုံးရန် ရည် ရွယ်စိုက်ပျိုးကြောင်း သိရသည်။ အလားတူ နွားစားပြောင်းကိုလည်း တစ်နိုင်တစ်ပိုင်မွေးမြူထားသော နွားများအတွက်သာဖြစ်ကြောင်း သိရသည်။ ဒေသတွင်းတောင်သူရောင်းချနေသော ဈေးများမှာ ပဲစဉ်းငုံ တစ်တင်း (၁၀၄၅၀၀) ကျပ်၊ ထောပတ်ပဲ တစ်တင်း (၁၂၈၀၀၀) ကျပ်၊ ငရုတ် တစ်ပိဿာ (၁၂၀၀၀) ကျပ်တို့ရှိကြောင်း သိရှိရပါသည်။
DOCA(မန္တလေး)