စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပြဋ္ဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားမှုအခြေအနေတို့နှင့်စပ်လျဉ်း၍ သက်ဆိုင်ရာမိတ်ဖက်ဌာနများနှင့်ပူးပေါင်းကာ ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ ၂၀၂၃ခုနှစ်၊ ဒီဇင်ဘာ (၁၆)ရက်နေ့မှ (၃၁)ရက်နေ့အတွင်း ပြည်ခရိုင်အနေဖြင့် ပြည်မြို့၊ ရွှေကူရပ်ကွက်ရှိ အေးခဲအစားအစာအရောင်းဆိုင်များနှင့် ပြည်မြို့ပေါ်ရှိ စားသုံးဆီအရောင်းဆိုင်များသို့လည်းကောင်း၊ ရွှေတောင်မြို့၊ တည်ကုန်း (တောင်ပိုင်း) ရပ်ကွက်ရှိ စားသုံးဆီအရောင်းဆိုင်များသို့လည်းကောင်း၊ ပန်းတောင်းမြို့၊ ဥသျှစ်ပင်မြို့ပေါ်ရှိ အေးခဲအစားအစာအရောင်းဆိုင်များနှင့် ပန်းတောင်းမြို့မဈေးရှိ စားသုံးဆီအရောင်းဆိုင်များသို့လည်းကောင်း သွားရောက်၍ ကုန်အညွှန်းအမှတ်အသားပါ သတ်မှတ်ချက် များနှင့်ကိုက်ညီမှုရှိသောကုန်စည်များကို တင်သွင်းရောင်းချခြင်းရှိ/မရှိ၊ သက်ဆိုင်ရာဌာန၏ထောက်ခံမှုရှိ/မရှိ ဈေးကွက်စောင့်ကြည့်စစ်ဆေးခဲ့ကြောင်းနှင့် စောင့်ကြည့်စစ်ဆေးခဲ့သည့် ကုန်စည်များတွင် ကုန်အညွှန်းအမှတ်အသားဖော်ပြချက်များနှင့်ကိုက်ညီမှုရှိကြောင်းသိရှိရပါသည်။
DOCA(ပဲခူး)