စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူးရုံးမှ ဝန်ထမ်းများသည် စားသုံးဆီများတွင်ထည့်သွင်းဖော်ပြရမည့် ကုန်အညွှန်းအမှတ်အသားများပါဝင်မှုရှိ/မရှိ၊ မရမ်းကုန်းမြို့နယ်၊ သမိုင်း (City Mart)၊ လှိုင်မြို့နယ်၊ လှိုင်ရတနာဈေး၊ ဗဟန်းမြို့နယ်၊ ဗဟန်းဈေး၊ ကမာရွတ်မြို့နယ်၊ လှည်းတန်းဈေးတို့တွင်ရောင်းချလျက်ရှိသော စားသောက်ကုန်၊ လူသုံးကုန်များကို ကွင်းဆင်းစစ်ဆေးခဲ့ပါသည်။ ၎င်းနောက် စားသုံးဆီများအား ရည်ညွှန်းဈေးအတိုင်း ရောင်းချရန်နှင့် စားသုံးဆီများနှင့်စပ်လျဉ်း၍ ရောင်းချသောစီးပွားရေးလုပ်ငန်းရှင်များအား ထောက်ခံချက်မရှိသော ကုန်ပစ္စည်းများကို ရောင်းချမှုမရှိစေရေး၊ ကုန်အညွှန်းအမှတ်အသားများပြည့်စုံသော စားသောက်ကုန်များကိုသာရောင်းချရန်နှင့် စီးပွားရေးလုပ်ငန်းရှင်များ၏တာဝန်များကိုသိရှိနားလည်စေရန် အသိပညာပေးခြင်းလုပ်ငန်းများဆောင်ရွက်ခဲ့ကြောင်းသိရှိရပါသည်။
DOCA(ရန်ကုန်)