![](http://www.doca.gov.mm/sites/default/files/styles/consumer_inner_image__847x424_/public/109_5.jpg?itok=XMKzWxta)
ပဲခူးတိုင်းဒေသကြီး၊ ပြည်ခရိုင်တွင် နှမ်းနက်ကို အဓိကထား၍ စိုက်ပျိုးကြပြီး နှမ်းနီကို အနည်းငယ်သာစိုက်ပျိုးကြောင်းသိရပါသည်။ ယခုအချိန်တွင် ပြည်ဈေးကွက်၌ ဆောင်းနှမ်းများ ပေါ်ထွက်လာပြီဖြစ်သော်လည်း အနည်းငယ်သာဝင်ရောက်မှုရှိနေသေးသဖြင့် ဈေးကွက်တွင် အရောင်းအဝယ်အနည်းငယ်ဖြစ်ကြောင်းသိရပြီး တစ်နေ့လျှင် (၁၅)ပိဿာဝင် အိတ် (၅၀/၇၀) ခန့် သာ ရန်ကုန်၊ မန္တလေးဝယ်လက်များက အဝယ်ရှိကြောင်းသိရပါသည်။ နှမ်းဈေးနှုန်းများအနေဖြင့် ၂၀၂၄ခုနှစ်၊ ဇန်နဝါရီလ ဒုတိယပတ်တွင် နှမ်းနီ(၃)တင်းဝင်တစ်အိတ်လျှင် ၂၈၀၀၀၀ကျပ်၊ နှမ်းနက် (၃)တင်းဝင်တစ်အိတ်လျှင် ၃၀၀၀၀၀ကျပ်နှင့် စမုံနက်နှမ်း (၃)တင်းဝင်တစ်အိတ်လျှင် ၃၄၀၀၀၀ကျပ်ဖြင့် အရောင်းအဝယ်အနည်းငယ်သာဖြစ်လျက်ရှိပါသည်။
နှမ်းဈေးနှုန်းများကို ယခင်နှစ်နှင့် ယခုနှစ် ကာလတူအချိန်ကိုနှိုင်းယှဉ်ကြည့်လျှင် ယခင်၂၀၂၃ခုနှစ်၊ ဇန်နဝါရီလ ဒုတိယပတ်တွင် နှမ်းနီ(၃)တင်းဝင်တစ်အိတ်လျှင် ၁၇၀၀၀၀ကျပ်၊ နှမ်းနက်(၃)တင်းဝင်တစ်အိတ်လျှင် ၁၈၅၀၀၀ကျပ်နှင့် စမုံနက်နှမ်း (၃)တင်းဝင်တစ်အိတ်လျှင် ၂၀၀၀၀၀ကျပ်ဖြင့် အရောင်းအဝယ်ဖြစ်ခဲ့ပါသည်။ ထို့ကြောင့် ယခင်နှစ်နှင့် ယခုနှစ်ဈေးနှုန်းကွာခြား မှုကိုနှိုင်းယှဉ်ကြည့်လျှင် နှမ်းနီ(၃)တင်းဝင်တစ်အိတ်လျှင် ၁၁၀၀၀၀ကျပ်၊ နှမ်းနက် (၃)တင်းဝင်တစ်အိတ်လျှင် ၁၁၅၀၀၀ကျပ်နှင့် စမုံနက်နှမ်း (၃)တင်းဝင်တစ်အိတ်လျှင် ၁၄၀၀၀၀ကျပ်ဖြင့် ဈေးနှုန်းအသီးသီးမြင့်တက်လာခဲ့ပါသည်။ ထိုသို့ ဈေးနှုန်းများမြင့်တက်လာရခြင်းမှာ နှမ်းဝယ်လက်များပြီး သွင်းအားစုများ ဈေးနှုန်းမြင့်တက်လာခြင်းတို့ကြောင့်ဖြစ်သည်ဟုသိရပါသည်။
DOCA(ပဲခူး)