၁၉.၁.၂၀၂၄ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် ပြည်နယ်ဦးစီးမှူးရုံး၌ ဆန်စက်လုပ်ငန်းရှင်အသင်းဥက္ကဌနှင့် တွေ့ဆုံဆွေးနွေးခဲ့ပါသည်။
ထိုသို့ တွေ့ဆုံဆွေးနွေးရာတွင် MyRoတွင် သိုလှောင်ရုံမှတ်ပုံတင်ကိစ္စနှင့်စပ်လျဉ်း၍ မေးမြန်းဆွေးနွေးခြင်းအပေါ် ပြည်နယ်ဦးစီးမှူးက စားသုံးသူရေးရာဦးစီးဌာန၊ ရုံးချုပ်မှ ပြည်နယ်ဦးစီးမှူးရုံးသို့ User Manual များ ပေးပို့ထားပြီးဖြစ်ကြောင်း၊ ဌာနမှလည်းလုပ်ငန်းရှင်များ သို့ အဆိုပါ User Manual များကို ဖြန့်ဝေပေးသွားမည်ဖြစ်ကြောင်း ၊ သိုလှောင်ရုံမှတ်ပုံတင်လျှင် ပထမဦးစွာ အဖွဲ့ဝင်အဖြစ်မှတ်ပုံတင်ပြီးမှသာလျှင် သိုလှောင်ရုံမှတ်ပုံတင်ခြင်းကို ဆက်လက် ဆောင်ရွက်ရမည်ဖြစ်ကြောင်း၊ သိုလှောင်ရုံမှတ်ပုံတင်ခြင်းနှင့် ငွေပေးချေခြင်း ဆောင်ရွက်ရာတွင် အဆင့်(၉)ဆင့်ရှိပါကြောင်း၊ သိုလှောင်ရုံမှတ်ပုံတင်ခြင်းဆောင်ရွက်ရာတွင် အခက်အခဲတစ်စုံတစ်ရာရှိပါက မိမိတို့ စားသုံးသူရေးရာဦးစီးဌာနသို့ မေးမြန်းနိုင်ပါကြောင်း ဆွေးနွေးခဲ့ ပါသည်။
DOCA(မွန်)