စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး(ရုံးအုပ်)သည် (၂၅-၁-၂၀၂၄) ရက်နေ့တွင် မိုးညှင်းမြို့နယ်၊ အင်းကုန်းကျေးရွာအုပ်စု၊ စာထား အခြေခံပညာမူလတန်းကျောင်း၌ စားသုံးသူကာကွယ်ရေးအသိပညာပေးဟောပြောပွဲဆောင်ရွက်ခဲ့ပါသည်။
စားားသုံးသူကာကွယ်ရေးအသိပညာပေးဟောပြောရာ၌ စားသုံးသူဆိုသည်မှာ ကုန်စည် သို့မဟုတ် ဝန်ဆောင်မှုကို ရောင်းဝယ်မှုပြုရန် သို့မဟုတ် အသက်မွေးဝမ်းကြောင်းပြုရန်မဟုတ်ဘဲ ကိုယ်တိုင်သုံးစွဲမှုအတွက်သော်လည်းကောင်း၊ အခြားသူအတွက်သော်လည်းကောင်း ရည်ရွယ်၍ဝယ်ယူခြင်း၊ အသုံးပြုခြင်း၊ ရယူခြင်း၊ ကုန်စည်ချေးငှားခြင်းပြုလုပ်သူများ သို့မဟုတ် ပေးကမ်းထောက်ပံ့ခြင်းခံရသူများကိုဆိုလိုကြောင်း၊ စားသုံးသူ၏အခွင့်အရေး(၈)ချက်နှင့် တာဝန်(၄)ချက်၊ အချိုရည်အမျိုးမျိုးတို့တွင် တားမြစ်ထားသော အန္တရာယ်ရှိသည့်ဓာတုဆိုးဆေးများအကြောင်း၊ တချို့သောမုန့်မျိုးစုံတို့တွင် မပုပ်မသိုးအောင် အထားခံသည့် ဖေါ်မလင်ဟုခေါ်သော တာရှည်အထားခံဆေး၏ ဘေးအန္တရာယ်များအကြောင်း၊ ပလပ်စတစ်နှင့် ပလပ်စတစ်ဖော့ဘူးများကို တာရှည်အသုံးပြုပါက ဖြစ်ပေါ်လာနိုင်သော ဘေးအန္တရာယ်များအကြောင်းတို့ကို ရုပ်ပုံကားချပ်နှင့် နမူနာပစ္စည်းများဖြင့်လည်းကောင်း ခင်းကျင်းပြသကာ အသိပညာပေးဟောပြောခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များဖြန့်ဝေခဲ့ပါသည်။ အဆိုပါအသိပညာပေးဟောပြောပွဲသို့ ကျောင်းသား/ ကျောင်းသူ(၃၉)ဦးနှင့် ဆရာမ(၄)ဦး၊ စုစုပေါင်း (၄၃)ဦးတက်ရာက်ခဲ့ကြောင်းသိရှိရပါသည်။
DOCA(ကချင်)