စားသုံးသူရေးရာဉီးစီးဌာနသည် စားသုံးသူအခွင့်အရေးများကို သိရှိနားလည်စေရန် စားသုံးသူကာကွယ်ရေးအသိပညာပေးဟောပြောပွဲလုပ်ငန်းများဆောင်ရွက်ခြင်းနှင့် စားသုံးသူ များသုံးစွဲသော ကုန်ပစ္စည်းများ ဘေးအန္တရာယ်ကင်းစေရန်အတွက် ဈေးကွက်စောင့်ကြည့်စစ်ဆေး ဆောင်ရွက်ခြင်း များကိုအဓိကထားဆောင်ရွက်လျက်ရှိရာ ရှမ်းပြည်နယ်၊ စားသုံးသူရေးရာဉီးစီးဌာန၊ ကျောက်မဲခရိုင်ဉီးစီးမှူးရုံးမှ ဝန်ထမ်းများသည် ဆက်စပ်ဌာနများနှင့် ပူးပေါင်း၍ (၂၇-၁-၂၀၂၂) ရက်နေ့တွင် ကျောက်မဲမြို့၊ အမှတ်(၇)ရပ်ကွက်အတွင်း ဖွင့်လှစ်ရောင်းချလျက်ရှိသော ရွှေဖြူစတိုးဆိုင်နှင့် ရှင်းကုန်စုံဆိုင်များတွင် ရောင်းချလျက်ရှိသည့် ကုန်စည်များအား ကုန်အညွှန်းအမှတ်အသားဆိုင်ရာအချက်အလက်များ ပြည့်စုံမှန်ကန်စွာ ဖော်ပြထားမှု ရှိ/မရှိ ကို ဈေးကွက်စောင့်ကြည့် စစ်ဆေးခဲ့ပါသည်။
ထိုသို့စစ်ဆေးရာတွင် စားသုံးသူကာကွယ်ရေးဉပဒေတွင် ပြဌာန်းထားသော ကုန်အညွှန်းအမှတ် အသား ဆိုင်ရာများနှင့်ပတ်သက်သည့် အချက်အလက်များ၊ စီးပွားရေးလုပ်ငန်းရှင်များ လိုက်နာဆောင် ရွက်ရမည့် တာဝန်များ၊ တားမြစ်ချက်များနှင့် ပြစ်မှု/ပြစ်ဒဏ်များနှင့်ပတ်သက်၍ ရှင်းလင်းဆွေးနွေးခဲ့ကြောင်းသိရှိရပါသည်။
DOCA(ရှမ်း)