![](http://www.doca.gov.mm/sites/default/files/styles/consumer_inner_image__847x424_/public/ပဲကြီး.jpg?itok=DoZjpNRr)
ပဲခူးတိုင်းဒေသကြီး၊ ပြည်ခရိုင် ၊ စားသုံးသူရေးရာဦးစီးဌာန၊ ပန်တောင်း မြို့နယ်တာဝန်ခံ ဒေါ်သန်းသန်းအေးနှင့် အဖွဲ့သည် (၂၇.၁.၂၀၂၂) နေ့ နံနက် (၁၀:၃၀) အချိန်တွင် မင်းရပ် ရပ်ကွက်ရှိ ပဲကြီးစိုက်ပျိုးသော တောင်သူနှင့် တွေ့ဆုံမေးမြန်းဆွေးနွေးခဲ့ပါသည်။
ပြည်ခရိုင်အနေဖြင့် ပဲကြီးစိုက်ဧကမှာ ၇၈၁၇ဧက ရှိပြီး ပန်းတောင်းမြို့နယ်အနေဖြင့် ၂၃၇၁ ဧကစိုက်ပျိုးထားပြီးဖြစ်ပါသည်။ ပန်းတောင်းမြို့နယ် မင်းရပ်ရပ်ကွက်ရှိ ပဲကြီးစိုက်ပျိုးသော တောင်သူ ဦးစိန်ဝင်းမှ သဲသောင်ပြင်မြေနုကျွန်းများတွင် ပဲကြီး (၁)ဧကခွဲစိုက်ပျိုးထားရှိပါသည်။ ပဲကြီး (၁)ဧကခွဲတွင် မျိုး(၂)ပြည်စိုက်ပျိုးရ၍ မျိုးတစ်ပြည်လျှင် ၃၅၀၀ကျပ်ဖြင့် ဝယ်ယူ စိုက်ပျိုး ရပြီး ပဲကြီးတစ်ဧက စိုက်ပျိုးထုတ်လုပ် ကုန်ကျစရိတ်အနေဖြင့် ၁၅၀၀၀၀ ကျပ် ခန့်ရှိပါသည်။ အထွက်နှုန်းမှာ ယခုနှစ်တွင် ပဲကြီးတင်း(၃၀)ခန့်ထွက်ရှိပြီး ၊စျေးမှာတစ်တင်းလျှင် ၈၀၀၀၀ကျပ် ခန့် ရရှိပါသည်။ ယခင်နှစ်တွင် ပဲကြီးအထွက်နှုန်းမှာ (၁၀)တင်းသာထွက်ရှိပြီး စျေးမှာ တစ်တင်းလျှင် ၅၀၀၀၀ကျပ် သာရရှိခဲ့သည်ဟုသိရပါသည်။ ထွက်ရှိလာသော ပဲကြီးများကို ပြည်မြို့ ရှိပွဲရုံများသို့ တင်ပို့ ရောင်းချသည်ဟု သိရှိရပါသည်။
ယခုနှစ်တွင်ပဲကြီးအထွက်နှုန်းမှာရာသီဥတုကောင်း၍ အထွက်နှုန်းတိုးလာခြင်း စျေးကောင်း လည်းရသဖြင့် ပဲကြီးစိုက်တောင်သူများအနေဖြင့် ယခုနှစ်တွင် အကျိုးအမြတ်များလာသဖြင့် နောင်နှစ်တွင်လည်း ပဲကြီးကို တိုးချဲ့စိုက်ပျိုးသွားမည်ဖြစ်ကြောင်းသိရှိရပါသည်။
DOCA(ပဲခူး)