![](http://www.doca.gov.mm/sites/default/files/styles/consumer_inner_image__847x424_/public/ငှက်ပျော_0.jpg?itok=QvDQBbAe)
ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်မှ ဝန်ထမ်းများသည် ငှက်ပျောဈေးကွက်နှင့် ပတ်သတ်၍ ကွင်းဆင်းလေ့လာခဲ့ရာ တွံတေးမြို့နယ်အတွင်းရှိကျေးရွာများတွင် ငှက်ပျောစိုက်ပျိုးထွက်ရှိ အောင်မြင်လျက်ရှိကြောင်း၊ း ဒေသထွက်မျိုးများဖြစ်သောဖီးကြမ်း၊ ရခိုင်၊ သီးမွှေး၊ ရွှေငှက်ပျော၊ နံသပု အမျိုးအစားများကို အဓိကထားစိုက်ပျိုးကြကြောင်း၊ စိုက်ပျိုးချိန်မှ (၈)လခန့်တွင် ခူးဆွတ်နိုင်ပြီဖြစ်ကြောင်း ငှက်ပျောစိုက်တောင်သူများထံမှ သိရသည်။
တွံတေးမြို့နယ်အတွင်း ငှက်ပျောအများဆုံး စိုက်ပျိုးထွက်ရှိသော ကျေးရွာများမှာ-ပန်းလှိုင်၊ ပြသတိုက်၊ မယ်ပြေ၊ ကရင်ချောင်း၊ အုန်းပင်ချောင်း၊ သောင်သစ်၊ တွံတေးဝကျေးရွာများဖြစ်ပြီး လက်ရှိဈေးကွက်တွင် ရွှေငှက်ပျောတစ်ခိုင်လျှင် (၇၀၀၀/၉၀၀၀) ကျပ်၊ သီးမွှေးတစ်ခိုင် (၅၅၀၀/ ၇၀၀၀)ကျပ်၊ ဖီးကြမ်းတစ်ခိုင် (၅၀၀၀/၆၅၀၀)ကျပ်၊ ရခိုင်တစ်ခိုင် (၂၅၀၀/၃၀၀၀)ကျပ်၊ နံသပုတစ်ခိုင် (၂၅၀၀/၃၀၀၀)ကျပ် (အမျိုးအစားအားလုံး အခိုင်လှလျှင် ဈေးပိုရ) ဈေးနှုန်းဖြင့် ရန်ကုန်သီရိမင်္ဂလာဈေး၊ တွံတေးမြို့စည်ပင်သာယာဈေးများသို့ တင်ပို့ရောင်းချလျက်ရှိကြောင်း သိရှိရသည်။
စားသုံးသူရေးရာဦးစီးဌာန
ရန်ကုန်တိုင်းဒေသကြီး