စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံစက်သုံးဆီ တင်သွင်းဖြန့်ဖြူးရောင်းချရေးအသင်းသို့ ပူးပေါင်းစီစဉ်မှုဖြင့် ပြည်သူများသက်သာသော ဈေးနှုန်းဖြင့် ဝယ်ယူရရှိနိုင်ရန် ရည်ရွယ်၍ မြန်မာနိုင်ငံတော် ဗဟိုဘဏ်မှ ရည်ညွှန်းငွေလဲလှယ်နှုန်းဖြင့် ရောင်းချပေးသည့် နိုင်ငံခြားငွေဖြင့် တင်သွင်းသည့် ကုမ္ပဏီများမှ မကွေးတိုင်းဒေသကြီးအတွင်း ရောင်းချခွင့်ရရှိသည့် စက်သုံးဆီဆိုင်များအား ကွင်းဆင်းဈေးကွက်စောင့်ကြည့်စစ်ဆေးသွားရန် ရုံးချုပ်၏ လမ်းညွှန်မှုအရ မကွေးတိုင်းဒေသကြီး စားသုံးသူရေးရာဦးစီးဌာန၊ မကွေးခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးမျိုးဝင်းနှင့် အဖွဲ့သည် (၉.၂.၂၀၂၂) ရက်နေ့ နံနက်(၁၁:၀၀)နာရီအချိန်တွင် မကွေးမြို့၊ ကန်ပြားကျေးရွာ၊ မကွေး-နတ်မောက်လမ်းပေါ်ရှိ “ခိုင်ခိုင်ဖြိုး”ကုမ္ပဏီ၏ LUCKY-7 စက်သုံးဆီအရောင်းဆိုင်အား ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရှိရပါသည်။
ထိုသို့ ကွင်းဆင်းစစ်ဆေးရာတွင် စားသုံးသူပြည်သူများ အဆင်ပြေချောမွေ့စွာဝယ်ယူနိုင်ရေး၊ စက်သုံးဆီသတ်မှတ်အရည်အသွေးပြည့်မီရေး၊ အလေးချိန်ပြည့်မီမှန်ကန်စွာရောင်းချရေး၊ ခွဲဝေရရှိသည့် ခွဲတမ်းများအတိုင်း ပြည့်ဝမှန်ကန်စွာ ရောင်းချပေးရေး၊ နေ့စဉ်ရောင်းချမှုစာရင်းနှင့် မှတ်တမ်းဓါတ်ပုံများအား အချိန်နှင့်တပြေးညီ နေ့စဉ်တင်ပြပေးရန်နှင့် ပြည်သူများသိရှိနိုင်ရန် ဗီနိုင်းပိုစတာများ၊ LED ဘုတ်များဖြင့် ချိတ်ဆွဲရောင်းချသွားရန် အသိပေးဆွေးနွေးခဲ့ပါသည်။
LUCKY -7 စက်သုံးဆီဆိုင်မှ သက်သာသောစျေးနှုန်းဖြင့် ရောင်းချမှုကို (၅.၂.၂၀၂၂)ရက်နေ့မှ စတင်ရောင်းချခဲ့ပြီး (၈.၂.၂၀၂၂)ရက်နေ့အထိ Octine-92 တစ်လီတာလျှင် (၁၆၈ဝိ/-) နှုန်းဖြင့် (၇၅၇၁.၉၅) လီတာ၊ Diesel တစ်လီတာလျှင် (၁၅၇ဝိ/-) နှုန်းဖြင့် (၁၃၉၂၀.၂၄၅)လီတာ၊ Premium Diesel တစ်လီတာလျှင် (၁၅၇၉၀/-)နှုန်းဖြင့် (၁၉၂၀၇.၀၈၇)လီတာ ရောင်းချပြီးကြောင်း LUCKY -7 စက်သုံးဆီဆိုင် မန်နေဂျာထံမှ စိစစ်သိရှိခဲ့ရပြီး အခြားပြင်ပဆိုင်များ၌ Octine-92 တစ်လီတာလျှင် (၁၇၂၅၀/-)ဖြစ်၍ (၄၅)ကျပ်၊ Diesel တစ်လီတာလျှင်(၁၇၄ဝိ/-)ဖြစ်၍ (၁၇၀)ကျပ်၊ Premium Diesel တစ်လီတာလျှင် (၁၇၇ဝိ/-) ကျပ်ဖြစ်၍ (၁၉၁)ကျပ် ခန့်သက်သာကြောင်း လေ့လာသိရှိရသည်။ စက်သုံးဆီအရောင်းဆိုင်များအား စားသုံးသူပြည်သူများ သက်သာချောင်ချိရေးအတွက် နိုင်ငံတော်အစိုးရနှင့်အတူ တစ်ဖက်တစ်လမ်းမှ ပူးပေါင်းဆောင်ရွက်ပေးမှုကို ဌာနမှပြည်သူများ ကိုယ်စား ကျေးဇူးတင်စကားပြောကြားခဲ့ကြောင်း သတင်းရရှိပါသည်။
စားသုံးသူရေးရာဦးစီးဌာန
မကွေးတိုင်းဒေသကြီး