စားသုံးသူရေးရာဦးစီးဌာန၊မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံးမှ ဦးစီးအရာရှိ ၊ ဦးသန်းစိုး နှင့် ဝန်ထမ်းများသည် ၂၀၂၂ ခုနှစ်၊ ဖေဖော်ဝါရီလ၊ ၂ ရက်နေ့ နေလည် ၁၂:၀၀နာရီအချိန်တွင် မိတ္ထီလာမြို့ နယ်၊ ညောင်ကိုင်းအုပ်စု ၊ ဥယျာဉ်ကျေးရွာရှိ ဆောင်းကြက်သွန်စိုက်တောင်သူနှင့်တွေ့ဆုံမေးမြန်းခဲ့ပါသည်။
ထိုသို့တွေ့ဆုံခဲ့ရာ ဥယျာဉ်ကျေးရွာသည် ကြက်သွန်နီသီးနှံအား စီးပွားဖြစ် စိုက်ပျိုးလျက်ရှိကြောင်း၊ ကြက်သွန်နီစိုက်ပျိုးရာတွင် စက်တင်ဘာလများတွင် စိုက်ပျိုး၍ ဖေဖော်ဝါရီလ၊ မတ်လများတွင် ထွက်ရှိကြောင်း၊ ကြက်သွန်နီစိုက်ပျိုးရာတွင် ဥစိုက်နှင့် ပျိုးထောင်စိုက်ဟု စိုက်ပျိုးမှု ပုံစံ (၂) မျိုးရှိကြောင်း၊ ယခုတွင် ပျိုးထောင် စိုက်ပျိုးမှုဖြစ်ပြီး၊ (၁)ဧကလျှင် (၃)ပြည် ကုန်ကြ၍ (၄၅) ရက်ကြာ ပျိုးထောင်ရကြောင်း၊ ပျိုးထောင်ချိန်တွင် ထယ်ထိုး၊ ထွန်ထောင်လိပ်၊ အောက်ခံစွမ်းအားနှင့် မြေသြဇာတို့ကို အသုံးပြုရကြောင်း၊ မျိုး(၃) ပြည် (၆၀၀၀၀)ကျပ်၊ (၁)ဧက ထယ်ထိုးလျှင် (၃)ချိန်ထိုးရ၍ (၅၄၀၀၀) ကျပ်၊ ထွန်ထောင်လိပ်ရာတွင် (၃၅၀၀၀) ကျပ်၊ အောက်ခံစွမ်းအား (၁) အိတ်အသုံးပြုရပြီး (၁၀၀၀၀၀)ကျပ်၊ မြေသြဇာ (၁)ဧက လျှင် (၂) အိတ်အသုံးပြုရ၍ (၁၅၀၀၀၀)ကျပ်၊စိုက်ပျိုးရာတွင် အလုပ်သမားဌာရမ်းခ (၁)ဧကလျှင် (၃၃) ယောက် အတွက် (၁၃၂၀၀၀) ကျပ်၊ ဘောင်ခက်ချိန်တွင် (၁)ဧက အလုပ်သမား(၈)ယောက်အတွက် (၅၆၀၀၀) ကျပ်ကျသင့်ကြောင်း၊ ပေါင်းသတ် ဆေးဖြန်းရာတွင် (၁) ဗူးအသုံးပြုရပြီး (၃၈၀၀၀) ကျပ်၊ ပိုးသတ်ဆေးအားကျရောက်သည့် ပိုး အမျိုးအစားပေါ်မူတည်၍ပတ်ဖြန်းရကြောင်း၊ အပင်အားဆေးပတ်ဖြန်းချိန်တွင် (၁)ဧကလျှင် အလုပ်သမားငှားရမ်းခ (၈၀၀၀)ကျပ်နှုန်းဖြင့် (၇)ကြိမ် ပတ်ဖြန်းရပြီး(၅၆၀၀၀)ကျပ် ၁ ဧက စုစုပေါင်း ကုန်ကျစရိတ်မှာ (၆၈၁၀၀၀) ကျပ်ရှိကြောင်း၊ ၁ ဧကလျှင် အထွက်နှုန်း (၅၀၀၀) ပိဿာခန့်ထွက်ရှိကြောင်း ကြက်သွန်စိုက်တောင်သူထံမှ သိရှိရပါသည်။
DOCA(မန္တလေး)