“နွေစပါးပျိုးထောင်မူ လျှော့နည်းသော်လည်း နှမ်းနှင့်ပဲတီစိမ်းစိုက်ပျိုး”

            ဝမ်းတွင်းမြို့နယ်သည် မြန်မာနိုင်ငံအလယ်ပိုင်းတွင် တည်ရှိပြီး မြောက်လတ္တီတွဒ် ၂၁ ဒီဂရီမှ ၂၁ ဒီဂရီ ၂၅ မိနစ်နှင့် အရှေ့လောင်ဂျီတွဒ် ၉၅ ဒီဂရီ ၄၅ မိနစ်မှ ၉၆ ဒီဂရီ ၁၆ မိနစ်ကြားတွင် တည်ရှိပါသည်။ အကျယ်အဝန်းအားဖြင့် အရှေ့မှ အနောက်သို့ ၂၆ မိုင်နှင့် တောင်မှမြောက် (၂၈.၅) မိုင် ရှည်လျားပြီး ဧရိယာ စတုရန်းမိုင်ပေါင်း ၅၄၃.၅၈ မိုင် ကျယ်ဝန်းပါသည်။

            ဝမ်းတွင်းမြို့တွင် အမြဲစီးဆင်းနေသော ချောင်းနည်းပါးသည့် ဒေသတစ်ခုဖြစ်ပြီး ချောင်းများမှာ တောင် မှ မြောက်စီးဆင်းကြပါသည်။ ဒေသတွင်း ချောင်းများသည် မိုးရွာသည့်အချိန်မှသာ ရေဝေရေလဲ တောင်ကုန်များမှ တောင်ကျရေများဖြင့် စီးဆင်းရသောချောင်းများဖြစ်ပါသည်။ ထင်ရှားသော ချောင်းများမှာ စမုံချောင်း၊ သင်ပုန်းချောင်း တို့ဖြစ်ပါသည်။

            ဝမ်းတွင်းမြို့တွင် အဓိကစိုက်ပျိုးရေကို ကင်းတားဆည်ရေကို အဓိကအားထားပြီး စိုက်ပျိုးနိုင်သော လယ် မြေဧက ၈၁၇၅၄ ရှိပြီး ယာမြေဧက ၈၄၀၈၆ ဧက ရှိပါသည်။ အဓိကစိုက်ပျိုးသော သီးနှံများမှာ စပါး၊ မြေပဲ၊ နှမ်း၊ နေကြာ၊ ပဲတီစိမ်း၊ ပဲစဉ်းငုံနှင့် ဝါသီးနှံများ အဓိကထား စိုက်ပျိုးပါသည်။

            ယခုအခါတွင် ဆည်ရေလုံ‌လောက်စွာ မပေးနိုင်ခြင်းတို့ကြောင့် နွေစပါးပျိုးထောင်မှု လျှော့နည်း လျက်ရှိပါသည်။ တောင်သူများအနေနှင့်လည်း သွင်းအားစုစျေးနှုန်းမြင့်တက်မှု၊ လုပ်သားရှားပါမှု ကုန်ကျ စရိတ်များပြီး အကျိုးအမြတ်နည်းခြင်းတို့ကြောင့် ဝမ်းတွင်းမြို့နယ်သည် နွေစပါးစိုက်ပျိုးမူ့ လျှော့နည်းလာ ပါသည်။ သို့သော် တောင်သူများအနေလည်း ကုန်ကျစရိတ်သက်သာပြီး အကျိုးအမြတ်ရသော နှမ်းနှင့် ပဲတီစိမ်းအား စိုက်ကြကြောင်း လေ့လာတင်ပြအပ်ပါသည်။

DOCA(မန္တလေး)