
မြန်မာနိုင်ငံစက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီး/ ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားဈေးနှုန်းများကို နေ့စဉ်ထုတ်ပြန်ပေးလျက်ရှိပါသည်။
မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့တွင် စက်သုံးဆီအရောင်းဆိုင်(၁၀)ဆိုင် ပုံမှန်ဖွင့်လှစ်ရောင်းချလျက်ရှိပြီး ၂၀၂၄ခုနှစ်၊ မေလ(ပထမပတ်)တွင် စက်သုံးဆီဈေးနှုန်းများမှာ 92 တစ်လီတာလျှင် ကျပ်(၂၉၀၀)၊ 95 တစ်လီတာလျှင် ကျပ်(၃၀၁၀)၊ ပရီမီယမ်ဒီဇယ်တစ်လီတာလျှင် ကျပ်(၂၅၁၅)၊ ဒီဇယ်ရိုးရိုး တစ်လီတာလျှင် ကျပ် (၂၄၆၅) ဈေးနှုန်းအသီးသီးဖြင့်ရောင်းချခဲ့ပြီး ဧပြီလ(စတုတ္ထပတ်)ပတ်တွင် 92 တစ်လီတာလျှင် ကျပ်(၂၈၉၅)၊ 95 တစ်လီတာလျှင် ကျပ်(၃၀၀၅)၊ ပရီမီယမ်ဒီဇယ်တစ်လီတာလျှင် ကျပ်(၂၅၂၅)၊ ဒီဇယ်ရိုးရိုးတစ်လီတာလျှင် ကျပ် (၂၄၈၀) ဈေးနှုန်းများဖြင့် ရောင်းချလျက်ရှိပါသည်။
ဧပြီလ(စတုတ္ထပတ်)နှင့် မေလ(ပထမပတ်) ဈေးနှုန်းတို့ကိုနှိုင်းယှဉ်လျှင် ယခုမေလ(ပထမပတ်) တွင် 92 နှင့် 95 တစ်လီတာလျှင် ကျပ်(၅)ဈေးနှုန်းမြင့်တက်ပြီး ပရီမီယမ်ဒီဇယ်တစ်လီတာလျှင် ကျပ်(၁၀)၊ ဒီဇယ်ရိုးရိုးမှာ တစ်လီတာလျှင် ကျပ်(၁၅)ဈေးတက်၍ အရောင်းအဝယ်ဖြစ်နေကြောင်း စက်သုံးဆီအရောင်းဆိုင်များမှသိရှိရပါသည်။
DOCA(မကွေး)