သန်လျင်မြို့၊ ဖေဖော်ဝါရီလ ( ၁၇ ) ရက်
ရန်ကုန်တောင်ပိုင်းခရိုင်အတွင်း ခရမ်း၊ သုံးခွမြို့နယ်အတွင်းရှိ ကျေးရွာများတွင် ဖေဖော်ဝါရီလ တတိယပတ်မှစ၍ ပဲတီစိမ်းများလှိုင်လှိုင်ပေါ်ထွက်လာပြီဖြစ်ကြောင်း ပဲတီစိမ်းစိုက်တောင်သူများ ထံမှ သိရှိရသည်။
ရန်ကုန်တောင်ပိုင်းခရိုင်အတွင်း ဇန်နဝါရီလကုန်အထိ ပဲတီစိမ်း (၂၅၃၀၂၂) ဧက စိုက်ပျိုးထားရှိပြီး ဖေဖော်ဝါရီလ တတိယပတ်အတွင်း ပဲတီစိမ်းတစ်တင်းလျှင် (၄၆၀၀ဝိ/-) ကျပ်ဈေးဖြင့် ရောင်းချရလျက်ရှိကြောင်း ပဲစိုက်တောင်သူများထံမှ စုံစမ်းသိရသည်။
ရန်ကုန်တောင်ပိုင်းခရိုင် ခရမ်း၊ သုံးခွမြို့နယ်များတွင် ပဲတီစိမ်းများပေါ်ထွက်လာပြီဖြစ်ရာ ခရမ်းမြို့နယ်၌ မောင်းမ၊ ပိန်းကန်၊ ကမာမတ်၊ ဂျုံးဂျုံးကျ၊ အုတ်ဖိုကျေးရွာများ၌လည်းကောင်း၊ သုံးခွ မြို့နယ်၌ ရေပေါ်ကန်၊ ရှမ်းစု၊ သခွတ်ကုန်း၊ နံယော၊ ဘုရားကြီး၊ ထုံးကြီး၊ ကတုံးပေါ်၊ ကုန်းခလာ၊ ရဲနွဲ့၊ သိုက်တူးကန်၊ ကံမြင့်၊ ပုလဲ၊ ပျဉ်းမကန်၊ အနောက်ကျေးရွာစသည့်ကျေးရွာများဖြစ်ပြီး သုံးခွမြို့ပေါ်ရှိ (Bright Light) ကုမ္ပဏီသို့ လာရောက်ရောင်းချလျက်ရှိရာ ယနေ့ထိပဲအိတ်ပေါင်း (၂၀၀၀၀) ကျော်ဝယ်ယူရရှိပြီးဖြစ်ကြောင်း ကုမ္ပဏီဒါရိုက်တာဦးမောင်မြင့်ထံမှ သိရှိရသည်။
DOCA(ရန်ကုန်)