ပြည်ခရိုင်၊ ပေါက်ခေါင်းမြို့နယ်တွင် ကြက်သွန်နီဈေးများမြင့်တက်နေကြောင်း သိရှိရ၍ အမှတ်(၃)ရပ်ကွက်နေ ကြက်သွန်နီလက်လီရောင်းချသူ ဒေါ်စောနှင်းနှင့်တွေ့ဆုံမေးမြန်းရာ ဒေသ တွင်း ကြက်သွန်နီထွက်ရှိမှုနည်းပြီး ယခုအချိန်သည် ကြက်သွန်နီ ထွက်ပေါ်ချိန်မဟုတ်၍ ဈေးကွက်တွင် ရောင်းချနေသော ကြက်သွန်နီများကို တောင်တွင်းကြီးဘက်မှ မှာယူရောင်းချလျက်ရှိကြောင်း သိရပါသည်။ ၂၀၂၄ခုနှစ် မေလနောက်ဆုံးပတ်တွင် ဝယ်ဈေးမှာ ကြက်သွန်နီ အသေး(၁)ပိဿာလျှင် (၁၈၀၀)ကျပ်၊ အလတ်(၁) ပိဿာလျှင် (၂၃၀၀)ကျပ်၊ အကြီး (အချော) (၁)ပိဿာလျှင် (၂၅၀၀) ကျပ် ဖြင့် ဝယ်ယူပြီး၊ ရောင်းချသောဈေးမှာ အသေး(၁)ပိဿာလျှင် (၂၀၀၀)ကျပ်၊ အလတ် တစ်ပိဿာ လျှင် (၂၅၀၀)ကျပ် နှင့် အကြီး (အချော) ၁ပိဿာလျှင် (၂၇၀၀)ကျပ်ဖြင့် ပြန်လည်ရောင်းချကြောင်း သိရ၍ ကြက်သွန်နီ တစ်ပိဿာလျှင် ပြန်လည်ရောင်းချသူ အမြတ်ငွေမှာ (၂၀၀)ကျပ် ရရှိကြောင်း သိရှိရပါသည်။
DOCA(ပဲခူး)