မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်သည် ဆီထွက်သီးနှံတစ်မျိုးဖြစ်သည့်နေကြာကို သီးညှပ်အဖြစ်စိုက်ပျိုးကြသလို သီးထပ်အဖြစ်လည်း စိုက်ပျိုးကြကြောင်း သိရပါသည်။
မိုးနေကြာကို ၂၀၂၄ခုနှစ်၊ မေလ(စတုတ္ထပတ်)တွင် စတင်စိုက်ပျိုးပြီးရက်ပေါင်း(၈၀)ခန့် အကြာတွင် ခူးဆွတ်ရကြောင်း၊ မျိုးအနေဖြင့် မြို့နယ်စိုက်ပျိုးရေးဦးစီးဌာနမှ မိုးနေကြာမျိုးစေ့များ အခမဲ့ဖြန့်ဝေပေးခဲ့သလို မိုးနေကြာစိုက်သည့် တောင်သူအချင်းချင်းဆီမှလည်း မျိုးများပြန်လည်း ဝယ်ယူရကြောင်း၊ (၁)ဧကလျှင် မျိုး(၃)ပြည်ခန့် ကုန်ကျပြီး ထွန်ကြောင်းဆွဲအစေ့ချစနစ် ဖြင့်စိုက်ပျိုးကာ ကုန်ကျစရိတ်အနေဖြင့် မြေပြုပြင်ခ၊ လုပ်အားခအပါအဝင် စုစုပေါင်းကုန်ကျစရိတ်မှာ ကျပ် (၁၀၀၀၀၀)ကျော်ကုန်ကျကြောင်း ကုန်ကြီးကျေးရွာနေ မိုးနေကြာစိုက်တောင်သူတစ်ဦးထံမှ သိရှိရပါသည်။ မိုးနေကြာကို အထက်မင်းလှမြို့နယ်ရှိ တောင်ဦးကျေးရွာအုပ်စုရှိ တောင်ဦးကျေးရွာတွင် (၁၀)ဧက၊ ကုန်ကြီးကျေးရွာအုပ်စုရှိ ကုန်ကြီးကျေးရွာတွင် (၃)ဧက၊ ကန်ဒုတ်ကျေးရွာအုပ်စုရှိ ကုန်ဒုတ် ကျေးရွာတွင် (၅)ဧက စုစုပေါင်း(၁၈)ဧကကို ပထမဦးစွာ ၂၀၂၄ခုနှစ်၊ မေလ(စတုတ္ထပတ်) တွင် စတင်စိုက်ပျိုးခဲ့ကြောင်းနှင့် ၂၀၂၄-၂၀၂၅ ဘဏ္ဍာနှစ်အတွက် မင်းလှမြို့နယ်အတွင်း မိုးနေကြာ (၁၅၀၀)ဧကစိုက်ပျိုးရန်လျာထားကြောင်း စိုက်ပျိုးရေးဦးစီးဌာနမှ သိရှိရပါသည်။
DOCA(မကွေး)