ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့တွင် ပဲခူးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌက ကြီးကြပ်၍ အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ ငါးလုပ်ငန်းဦးစီးဌာန၊ စည်ပင်သာယာရေးအဖွဲ့၊ မွေးမြူရေးနှင့်ကုသရေးဦးစီးဌာနတို့ပူးပေါင်းအဖွဲ့သည် ပြည်သူများအား ဇွန်လမှစတင်၍ မေလအထိ ပြင်ပပေါက်ဈေးထက် ဈေးနှုန်းသက်သာစွာ အခြေခံစားသောက်ကုန်များ နေ့စဉ်ရောင်းချနေမှုများကို ကြီးကြပ်ဆောင်ရွက်လျက်ရှိပါသည်။
အခြေခံစားသောက်ကုန်များဖြစ်သော ဆန်၊ ဆီ၊ ကြက်သား၊ ဝက်သား၊ အမဲသား၊ ဆိတ်သား၊ ငါး၊ ကြက်ဥနှင့်ဟင်းသီးဟင်းသီးရွက်များကို သက်သာသောဈေးနှုန်းဖြင့် ဒေသခံပြည်သူများအား နေ့စဉ် နံနက် (၀၇:၀၀) နာရီအချိန်မှစတင်၍ ရောင်းချပေးလျက်ရှိပါသည်။ ထို့ပြင် စားသုံးသူပြည်သူများအား ဆန်တစ်ပြည်လျှင် ၃၁၀၀ကျပ်၊ ကြက်သား (စီပီ) အကောင်လိုက်တစ်ပိဿာလျှင် ၉၀၀၀ကျပ်၊ ဝက်သားတစ်ပိဿာလျှင် ၁၃၀၀၀ကျပ်၊ အမဲသားတစ်ပိဿာလျှင် ၁၄၀၀၀ကျပ်၊ ဆိတ်သားတစ်ပိဿာလျှင် ၂၀၀၀၀ကျပ်၊ ငါးမြစ်ချင်းတစ်ပိဿာလျှင် ၆၀၀၀ကျပ်၊ ကြက်ဥတစ်လုံးလျှင် ၂၅၀ကျပ်၊ ဘဲဥတစ်လုံးလျှင် ၃၅၀ကျပ်ဖြင့် အသီးသီးရောင်းချပေးလျက်ရှိကြောင်းသိရှိရပါသည်။ စားသုံးဆီများကိုလည်း မြို့နယ်အလိုက် သက်သာသောဈေးနှုန်းဖြင့် ရောင်းချပေးလျက်ရှိကြောင်းသိရှိရပါသည်။
DOCA(ပဲခူး)