မကွေးတိုင်းဒေသကြီး၊ မကွေးခရိုင်၊ မကွေးမြို့နယ်၊ မကြီးကန်ကျေးရွာအုပ်စုရှိ ပုထိုးစမ်းကျေးရွာတွင် နှမ်း၊ မြေပဲ၊ ကုလားပဲ၊ ပဲတီစိမ်း၊ မတ်ပဲနှင့်ပဲစဉ်းငုံသီးနှံများကိုစိုက်ပျိုးကြပြီး ၂၀၂၄ခုနှစ်၊ မေလ (စတုတ္ထပတ်)တွင် မိုးနှမ်းကို တောင်သူ(၆၀)ဦးမှ ဧက(၁၇၀၀)ဧကနီးပါးစိုက်ပျိုးထားကြောင်း သိရှိရပါသည်။
စိုက်ပျိုးရာတွင် နှမ်းဖြူမျိုးကိုအများဆုံးစိုက်ပျိုးကြပြီး မျိုးအနေဖြင့် ယခင်နှစ်ကမျိုးကောင်းမျိုးသန့်အဖြစ်ဖယ်ချန်ထားသော နှမ်းစေ့များကို ကြဲပက်စနစ်ဖြင့်ပြန်လည်စိုက်ပျိုးထားခြင်းဖြစ်ပြီး နှစ်လခွဲခန့်အကြာတွင် ရိတ်သိမ်းနိုင်ကြောင်း သိရှိရပါသည်။ (၁)ဧကလျှင် မျိုး(၇)ပြည်ခန့်ကုန်ကျပြီး ၎င်းအနေဖြင့် မိုးနှမ်း(၁)ဧကခွဲစိုက်ပျိုးထားကြောင်း၊ ကုန်ကျစရိတ်အနေဖြင့် ယခင်နှစ်နည်းတူယခုနှစ်တွင်လည်း မြေပြုခ၊ လုပ်အားခအပါအဝင် စုစုပေါင်းကုန်ကျစရိတ်မှာ ကျပ်(၁၅၀၀၀၀)ခန့်ကုန်ကျကြောင်း၊ အထွက်နှုန်းအနေဖြင့် ယခင်နှစ်က(၁)ဧကလျှင် (၁၄)တင်းထွက်ရှိပြီး ဈေးနှုန်းအနေဖြင့် ယခင်နှစ်က နှမ်း(၁) တင်းလျှင် ကျပ်(၁၂၅၀၀၀)ဈေးရရှိခဲ့ကြောင်း၊ ဈေးကွက်အနေဖြင့် မကွေးမြို့ရှိ ပွဲရုံများသို့ တင်ပို့ရောင်းချကြောင်း ပုထိုးစမ်းကျေးရွာနေ မိုးနှမ်းစိုက်တောင်သူ ဦးလှမြင့်ထံမှ သိရှိရပါသည်။
DOCA(မကွေး)