မန္တလေးမြို့ပေါ်ဈေးကွက်မှာတော့ ကြက်သွန်နီဈေးငြိမ်နေပြီး လက္ကားဈေးတစ်ပိဿာ၅၀၀ မှ ၉၀၀ ကျပ်၊ လက်လီဈေးတစ်ပိဿာ ၆၀၀ မှ ၁၀၀၀ ကျပ်ထိရှိကြောင်းသိရပါသည်။ ကျောက်ဆည်နှင့် မြစ်သားမြို့များ၏ ကြက်သွန်တစ်ပိဿာဈေးနှုန်းအနေနှင့် တောင်သူရောင်းဈေး ၅၀၀မှ ၅၅၀ ကျပ်၊ မြို့ပေါ်လက္ကားဈေး ၄၅၀ မှ ၆၅၀ကျပ်၊ လက်လီဈေး ၆၀၀မှ၈၅၀ ကျပ်ဈေးရှိပါသည်။ ကားသယ်ခနှုန်းထားအနေနှင့် တစ်ပိဿာလျှင် ရန်ကုန်သို့ ၈၀ ကျပ်၊မြဝတီသို့ ၁၃၀ကျပ်ဈေးရှိပြီး၊ရန်ကုန်နှင့်မြဝတီသို့ ယခုတစ်ပတ်အတွင်း ကျောက်ဆည်မှ တွဲကား(၅)စီး၊ (၁၂)ဘီးကား (၄)စီး၊ မြစ်သားမှ တွဲကား(၄)စီး(၁၂)ဘီးကား (၃)စီး တင်ပို့ခဲ့ပါသည်။ မိတ္ထီလာမြို့ ၏ကြက်သွန်ဈေးကွက်အနေနှင့် တစ်ပိဿာ ၅၅၀-၆၀၀ကျပ်ရှိပြီး၊ ယခုတစ်ပတ်အတွင်းရန်ကုန် သို့ကားသယ်ခ ၉၀ ကျပ်၊မြဝတီသို့ကားသယ်ခ ၁၀၀ ကျပ်၊ စစ်တွေသို့ ၁၁၀ ကျပ်နှင့်မူဆယ်သို့ ၁၂၀ ကျပ်နှုန်းထားဖြင့် ရန်ကုန်သို့ (၁၂)ဘီးကား (၇) စီး တန်ချိန်(၁၁၀)ကျော်၊ မြဝတီသို့ တွဲကား (၇)စီး တန်ချိန်(၁၇၀)ကျော်၊ စစ်တွေသို့ (၁၂)ဘီးကား (၄)စီး တန်ချိန်(၆၀)ကျော်၊ မူဆယ်သို့ (၁၂)ဘီးကား(၂)စီး တန်ချိန်(၃၀)ကျော် တင်ပို့ခဲ့ပါသည်။
ကြက်သွန်နီအများဆုံး စိုက်ပျိုးထုတ်လုပ်သည့် မြင်းခြံမြို့ပေါ်ဈေးကွက်သို့နယ်များမှ တစ်ရက်လျှင် ကုန်ချိန်ပိဿာ(၁)သိန်းကျော်ဝင်ရောက်မှုရှိပြီး၊ တစ်ပတ်အတွင်း ရန်ကုန်သို့ (၁၂)ဘီးကား (၁၀)စီး၊ တန်ချိန်(၁၇၀)ခန့်၊ နေပြည်တော်သို့ (၆)ဘီးကား(၃)စီး တန်ချိန်(၂၄)တန် ခန့်၊ မော်လမြိုင်သို့ (၁၂)ဘီးကား(၁၅)စီး တန်ချိန်(၂၅၀)ကျော်၊ စစ်တွေသို့ (၁၂)ဘီးကား(၈)စီး တန်ချိန်(၁၃၀)ကျော်၊မြဝတီသို့ (၁၂)ဘီးကား (၁၅)စီး တန်ချိန်(၂၅၀)ကျော်တင်ပို့ခဲ့ပါသည်။ ကြက်သွန်တစ်ပိဿာ သယ်ယူခနှုန်းထားများအနေဖြင့် ရန်ကုန်သို့ ၉၀ ကျပ်၊ နေပြည်တော်သို့ ၉၅ ကျပ်၊မော်လမြိုင်သို့ ၁၁၀ ကျပ်၊စစ်တွေသို့ ၁၃၀ ကျပ်ဈေးရှိပြီး၊ လက်ရှိကြက်သွန်တစ်ပိဿာ ပေါက်ဈေးအနေဖြင့် လက်ကားဈေး ၃၅၀ ကျပ်မှ ၆၇၅ ကျပ်ဈေးရှိကြောင်း သိရပါသည်။
DOCA(မန္တလေး)