မန္တလေးတိုင်းဒေသကြီး၊ကျောက်ဆည်ခရိုင်တွင် ပဲတီစိမ်း(မိုးကြို)ကို ၂၀၂၄-၂၀၂၅ဘဏ္ဍာနှစ်တွင် ကျောက်ဆည်မြို့နယ်တွင်(၅၇၆၁)ဧက၊ စဉ့်ကိုင်မြို့နယ်တွင်(၄၄၉၇)ဧက၊ မြစ်သားမြို့နယ် တွင် (၈၄၁၁)ဧက၊စုစုပေါင်း(၁၈၆၆၉)ဧက စိုက်ပျိုးပြီးဖြစ်ကြောင်း ခရိုင်ကြေးတိုင်နှင့်မြေစာရင်း ဦးစီးဌာန၏စာရင်းများအရ သိရှိရပါသည် ။ ပဲတီစိမ်း(မိုးကြို)ကို မတ်လမှစတင်ပြီး တောင်သူ အများစုသည် ဆည်ရေသောက် ရေသွင်းစနစ်ဖြင့် အများဆုံး စိုက်ပျိုး ကြပြီး စိုက်ပျိုးရာတွင် အရည်အသွေးနှင့် အထွက်နှုန်းကောင်းမွန်သော ရေဆင်း-၁၁မျိုးနှင့်ကျောက်စိမ်းမျိုးများကိုသာ ရွေးချယ်စိုက်ပျိုးကြရာ (၁)ဧကကုန်ကျစရိတ်အနေဖြင့် မျိုး၊သွင်းအာစု၊လုပ်သားခအပါအဝင် စုစုပေါင်း(၃၀၀၀၀၀/-)ကျပ် ဝန်းကျင်ခန့်ကုန်ကျကြောင်း၊ယခုဇွန်လဆန်းမှစတင်ပြီး ပဲတီစိမ်း (မိုးကြို)ကို စတင်ရိတ်သိမ်းလျက်ရှိပါသည်။ အထွက်နှုန်းအနေဖြင့် (၁)ဧကလျှင် (၁၂)တင်းခန့်ထွက်ရှိပြီး ပဲတီစိမ်းစျေးနှုန်းအနေဖြင့် ယခင်နှစ်တွင် (၁)တစ်တင်းလျှင်(၅၅၀၀၀/-)ကျပ် စျေးနှုန်းရှိခဲ့ပြီး ယခုနှစ် စတင်ထွက်ပေါ်ချိန်တွင် (၆၃၀၀၀/-)ကျပ်စျေးနှုန်းဖြင့် အရောင်းအဝယ်ဖြစ်လျက်ရှိပါသည် ။ ပဲတီစိမ်း(မိုးကြို)စိုက် တောင်သူများသည် ယခင်နှစ်ထက် စျေးနှုန်းကောင်းမွန်ပြီး အကျိုးအမြတ်များပိုမိုရရှိသောကြောင့် ပဲတီစိမ်း (မိုးကြို)ကို တောင်သူများ တိုးချဲ့စိုက်ပျိုးသင့်ပါကြောင်း ရေးသားတင်ပြအပ်ပါသည်။
DOCA(မန္တလေး)