၂၀၂၄ခုနှစ် ဇွန်လအစပိုင်းတွင် တောင်ငူမြို့တွင် ရွှေဘိုပေါ်ဆန်းတစ်အိတ်လျှင် ၁၆၀၀၀၀ကျပ်၊ ဖျာပုံပေါ်ဆန်းတစ်အိတ်လျှင် ၁၄၀၀၀၀ကျပ်မှ ၁၅၀၀၀၀ကျပ်အထိ၊ ဒေသပေါ်ဆန်းတစ်အိတ်လျှင် ၁၂၅၀၀၀ကျပ်၊ ဧည့်မထ(မိုး) တစ်အိတ်လျှင် ၈၇၀၀၀ကျပ်မှ ၉၀၀၀၀ကျပ်၊ ဧည့်မထ(နွေ)ဆန်မှာ တစ်အိတ်လျှင် ၇၀၀၀၀ကျပ်မှ ၇၅၀၀၀ကျပ်ဖြင့် ဈေးနှုန်းတည်ငြိမ်နေပါသည်။
စပါးမှာ တင်း၁၀၀လျှင် ၂၀၀၀၀၀၀ကျပ်၊ ဆန်ကွဲကြီးမှာ တစ်အိတ်လျှင် ၅၀၀၀၀ကျပ်၊ ဆန်ကွဲသေးမှာ တစ်အိတ်လျှင် ၄၆၀၀၀ကျပ်၊ ဖွဲနုမှာ တစ်အိတ်လျှင် ၁၈၀၀၀ကျပ်ဖြင့် ဈေးနှုန်းတည်ငြိမ်နေပါသည်။
မတ်ပဲ(၃၀ပိဿာဝင်အိတ်)မှာ မေလ နောက်ဆုံးပတ်တွင် တစ်အိတ်လျှင် ၁၅၉၅၀၀ကျပ်ရှိခဲ့ရာမှ ယခုဇွန်လ ပထမပတ်တွင် တစ်အိတ်လျှင် ၁၆၅၀၀၀ကျပ်၊ ပဲလွန်းဖြူမှာ ယခင်အပတ်တွင် တစ်အိတ်လျှင် ၈၅၀၀၀ကျပ်ရှိခဲ့ရာမှ ယခုအပတ်တွင် ၁၀၀၀၀၀ကျပ်၊ ပဲတီစိမ်းမှာ ယခင်အပတ်တွင် တစ်အိတ်လျှင် ၈၅၀၀၀ကျပ်ရှိခဲ့ရာမှ ယခုအပတ်တွင် ၉၀၀၀၀ကျပ်ဖြင့် ဈေးနှုန်းအနည်းငယ်မြင့်တက်နေကြောင်း တောင်ငူမြို့ရှိ ဆန်၊ စပါး၊ ပဲပွဲရုံများမှသိရှိရပါသည်။
DOCA(ပဲခူး)