![](http://www.doca.gov.mm/sites/default/files/styles/consumer_inner_image__847x424_/public/33_12.jpg?itok=dVCA-Y2J)
မွန်ပြည်နယ်၊ မုဒုံမြို့နယ်တွင် ၂၀၂၄-၂၀၂၅ ခုနှစ် မိုးသီးနှံစိုက်ပျိုးရာသီ၌ ဒေသခံတောင်သူများ မိုးစပါးသီးနှံ အဆင်ပြေစွာစိုက်ပျိုးနိုင်ရန်အတွက် စိုက်ပျိုးစရိတ်ချေးငွေများကို ၁၀-၆-၂၀၂၄ ရက်နေ့တွင် ကွမ်ကဗွီးကျေးရွာနေ တောင်သူများအား ထုတ်ချေးပေးခဲ့ကြောင်းသိရှိရသည်။
ဦးစွာ မုဒုံမြို့နယ်၊ မြန်မာ့လယ်ယာဖွံ့ဖြိုးရေးဘဏ်ခွဲမန်နေဂျာ ဦးယဥ်ဋ္ဌေးက စိုက်ပျိုးစရိတ်ချေးငွေထုတ်ယူမည့် တောင်သူများအနေဖြင့် လယ်ယာမြေလုပ်ပိုင်ခွင့်ပြုလက်မှတ် ပုံစံ(၇)၊ အိမ်ထောင်စုစာရင်းနှင့် မှတ်ပုံတင်လိုအပ်ကြောင်း၊ ယခင်နှစ်များတွင်ချေးယူခဲ့သည့် ချေးငွေများ အကျေပြန်လည်ဆပ်ပြီးသည့် တောင်သူတစ်ဦးလျှင် လယ်တစ်ဧကကို ကျပ်၁၅၀၀၀၀နှုန်း၊ လယ် ၁၀ဧကအထိ အတိုးနှုန်း ၅ရာခိုင်နှုန်းဖြင့် ထုတ်ချေးပေးသွားမည်ဖြစ်ကြောင်း ရှင်းလင်းပြောကြားခဲ့သည်။
ထို့နောက် ကွမ်ကဗွီးကျေးရွာရှိ တောင်သူ ၁၈ဦး၏ လယ်ဧက ၁၃၂ဧကအတွက် ချေးငွေကျပ်စုစုပေါင်း ကျပ်၁၉၈သိန်းကို စနစ်တကျထုတ်ချေးပေးခဲ့သည်။ မုဒုံမြို့နယ်တွင် မိုးစပါးချေးငွေများကို ရပ်ကွက်/ ကျေးရွာ (၄၂)ရှိ တောင်သူ ၃၀၃၈ဦး၏ လယ်ဧက ၂၃၃၃၄ဧကအတွက် ချေးငွေစုစုပေါင်း ၃၅၀၀၁ကျပ်သိန်းကိုထုတ်ချေးပေးရန် လျာထားကြောင်းသိရှိရပါသည်။
DOCA(မွန်)