စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှုဖြင့် (၇-၆-၂၀၂၄) ရက်နေ့၊ နေ့လယ်(၁၃:၃၀)နာရီအချိန်တွင် ပခုက္ကူခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီး ဌာနရုံး၌ စားသုံးသူရေးရာဦးစီးဌာန၊ မြိုင်မြို့နယ်တာဝန်ခံ ဦးဇော်ထွန်းဦးသည် မြိုင်ပြန်ကြားရေးနှင့်ပြည်သူ့ဆက်ဆံရေးဦးစီးမှူးတို့နှင့်ပူးပေါင်းကာ “ကုန်စည်နှင့် ဝန်ဆောင်မှုများအပေါ် အာမခံချက်ပေးထားမှုနှင့်စပ်လျဉ်းသော အသိပညာပေး Talk Show ပြုလုပ်ကျင်းပခဲ့ပါသည်။
Talk Show တွင် စားသုံးသူရေးရာဦးစီးဌာန၊ မြိုင်မြို့နယ်တာဝန်ခံ ဦးဇော်ထွန်းဦးက စားသုံးသူရေးရာဦးစီးဌာန၏ ဆောင်ပုဒ်၊ မျှော်မှန်းချက်၊ ရည်မှန်းချက်၊ ဌာနသမိုင်းအကျဉ်း၊ စားသုံးသူကာကွယ်ရေးဥပဒေ၊ နည်းဥပဒေထုတ်ပြန်သည့်ရက်စွဲ၊ ပါဝင်သည့်အခန်း၊ ပုဒ်မများကိုပြောကြားခဲ့ပြီးနောက် ဆက်လက်၍ စီးပွားရေးလုပ်ငန်းရှင်က အခန်း(၁၃)၊ ပုဒ်မ၂၆အရ စားသုံးသူအပေါ် အာမခံချက်ပေးထားသည့်ကာလအတိုင်း ဝန်ဆောင်မှုမပေးနိုင်လျှင် (သို့မဟုတ်) ဝန်ဆောင်မှုပေးရန်ပျက်ကွက်လျှင် စားသုံးသူ၏ ရယူတောင်းဆိုနိုင်ခွင့်များကို အသေးစိတ်ရှင်းလင်းဆွေးနွေးခဲ့ကြောင်းသိရှိရပါသည်။
DOCA(မကွေး)