![](http://www.doca.gov.mm/sites/default/files/styles/consumer_inner_image__847x424_/public/74_6.jpg?itok=Eo2Wm5C1)
ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်အတွင်းရှိ ဆန်ဂိုဒေါင်နှင့်ဆန်ဆိုင်ကြီးများတွင် ဆန်ဖြန့်ဖြူးရောင်းချနေမှုအခြေအနေအား ၂၀၂၄ခုနှစ်၊ ဇွန်လ(၆)ရက်နေ့၊ နံနက်(၀၉း၀၀)နာရီအချိန်တွင် ဌာနဆိုင်ရာပူးပေါင်းအဖွဲ့သည် ကွမ်းခြံကုန်းမြို့နယ်၊ စည်ပင်သာယာမြို့မဈေးအတွင်း/အပြင်နှင့် ရပ်ကွက်ကျေးရွာများ၌ လက်လီ/ လက်ကားဝယ်ယူဖြန့်ဖြူးရောင်းချနေမှုအခြေအနေအား ကွင်းဆင်းစစ်ဆေးခဲ့ကြောင်းသိရသည်။
ထိုသို့ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ တာဝန်ရှိသူများ၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများသည် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်အရ ဆန်အပါအဝင် အခြေခံစားသောက်ကုန်ပစ္စည်းများ ပြတ်လပ်မှုမရှိစေရေး၊ ဈေးနှုန်းမြင့်တက်မှုမရှိစေရေးနှင့် ဈေးနှုန်းများတည်ငြိမ်မှုရှိစေရေးတို့အတွက် ကွမ်းခြံကုန်းမြို့နယ်အတွင်းရှိ ဆန်ဆိုင်ကြီးများအနေဖြင့် မြို့နယ်အတွင်းရှိကျေးရွာများဖြစ်သော တော်ကူးကျေးရွာ၊ ကညင်းကုန်းကျေးရွာများနှင့် မြို့ပေါ်ရှိဆန်စက်ကြီးများမှ ဆန်အိတ်များကိုသာဝယ်ယူဖြန့်ဖြူးရောင်ချလျက်ရှိကြောင်း၊ တစ်ပတ်လျှင် အိတ်(၃၀)ပါ ထော်လာဂျီနှင့်တစ်ကြိမ်ခန့်သာဝယ်ယူပြီး ဆန်တစ်အိတ်လျှင် ဝယ်ယူရသည့်ဈေးအပေါ် (၃)ရာခိုင်နှုန်းအမြတ်သာယူပြီး ပြန်လည်ဖြန့်ဖြူးရောင်းချပေးလျက်ရှိကြောင်း ဒေသထွက်ငစိန်ဆန်တစ်အိတ်လျှင် (၇၀၀၀၀)ကျပ်၊ ဧည့်မထတစ်အိတ်လျှင် (၉၀၀၀၀)ကျပ်နှင့် ကျားပျံတစ်အိတ်လျှင် (၁၃၀၀၀၀-၁၄၀၀၀၀)ကျပ်အထိ ဖြန့်ဖြူးရောင်းချပေးလျက်ရှိကြောင်း၊ ကွမ်းခြံကုန်းမြို့နယ်၏ ဆန်ဈေးနှုန်းများအနေဖြင့် ယခင်အပတ်ဈေးနှုန်းနှင့် ယခုအပတ်ဈေးနှုန်းတို့မှာ ကွာဟမှုမရှိဘဲ ဆန်ဈေးနှုန်းတည်ငြိမ်လျက်ရှိနေသည်ကိုစစ်ဆေးတွေ့ရှိခဲ့ပြီး ယခုအခါ ဆန်ဈေးနှုန်းများမြင့်တက်လျက်ရှိသည့်အတွက် ဈေးနှုန်းမြှင့်တင်ရောင်းချခြင်း၊ သိုလှောင်ထားခြင်း၊ ဖြန့်ဖြူးရောင်းချခြင်းများမဖြစ်ပေါ်စေရေးတို့အတွက် ဈေးကွက်အတွင်း ကွင်းဆင်းစစ်ဆေးဆောင်ရွက်ရခြင်းဖြစ်ကြောင်း ဆွေးနွေးပြောကြားခဲ့မှုကိုသိရှိရပါသည်။
DOCA(ရန်ကုန်)