![](http://www.doca.gov.mm/sites/default/files/styles/consumer_inner_image__847x424_/public/102_1.png?itok=Xbc8OC5x)
မန္တလေးတိုင်းဒေသကြီး၊ ပြင်ဦးလွင်မြို့နယ်၊ စားသုံးသူရေးရာဦးစီးဌာနအနေဖြင့် စျေးကွက်စောင့်ကြည့်စစ်ဆေးခြင်းလုပ်ငန်းများဆောင်ရွက်လျက်ရှိရာ (၁၁-၆-၂၀၂၄)ရက်နေ့တွင် ပြင်ဦးလွင်ခရိုင်၊ အသေးစားစက်မှုလက်မှုလုပ်ငန်းဦးစီးဌာန၊ မြို့နယ်သမဝါယမဦးစီးဌာန၊ မြို့နယ်ပြည်သူ့ ကျန်းမာရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ ရပ်ကွက်ကြီး(၂၁)၊ မိုးကြိုးကွက်သစ်ရှိ အာလူးကြော်လုပ်ငန်းသို့သွားရောက်၍ ကွင်းဆင်းစစ်ဆေးခဲ့ပါသည်။ ထိုသို့စစ်ဆေးရာတွင် စားသုံးသူရေးရာဦးစီးဌာနမှ ဦးသက်လွင်ထူးက စားသုံးသူကာကွယ်ရေးဥပဒေ၏ ရည်ရွယ်ချက်များ၊ ကုန်စည်၊ ဝန်ဆောင်မှုနှင့်စပ်လျဉ်း၍ ဘေးအန္တရာယ်ဖြစ်နိုင်ချေရှိသည့်အခြေအနေများ၊ စားသုံးသူနစ်နာဆုံးရှုံးမှုနှင့်စပ်လျဉ်းသည့် တိုင်ကြားမှုအခြေအနေများ၊ စားသုံးသူအခွင့်အရေးများကိုဟောပြောဆွေးနွေးခဲ့ပြီး စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဆိုင်ရာ အချက်အလက်များပြည့်စုံကိုက်ညီမှုရှိ/မရှိ လုပ်ငန်းခွင်အား ကွင်းဆင်းစစ်ဆေးခဲ့ပါသည်။ ဆက်လက်၍ ရပ်ကွက်ကြီး (၁၇) အနီးစခန်းရှိ ဆေးဆိုင်များသို့သွားရောက်ကာ ဆေးဆိုင်များတွင် ဝယ်ယူသည့်စျေးနှုန်းနှင့် ရောင်းချသည့်စျေးနှုန်းစာရင်းများ၊ ဝယ်စျေးနှင့်ရောင်းစျေးကွာဟမှုမရှိစေရေး၊ စျေးနှုန်းမြှင့်တင်ရန်ရည်ရွယ်ချက်ဖြင့် သိုလှောင်ထားရှိမှုမရှိစေရေး၊ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာအပြင် အခြားဘာသာဖြင့်ဖြစ်စေ ဘာသာ(၂)မျိုးဖြင့်ဖော်ပြစေရေး စသည်ဖြင့် စားသုံးသူကာကွယ်ရေးဥပဒေများကိုရှင်းလင်းပြောကြားခဲ့ပြီး ထောက်ခံချက်မပါရှိသော ဆေးဝါးများရောင်းချနေမှုရှိ/မရှိအား ကွင်းဆင်းစစ်ဆေးခဲ့ကြောင်းသိရှိရပါသည်။
DOCA(မန္တလေး)