စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်၊ သဲကုန်းမြို့နယ်တာဝန်ခံ ဦးခင်မောင်ထွန်းနှင့်အဖွဲ့သည် ညောင်ဝန်းအုပ်စု၊ ဝဲကြီးကျေးရွာ မတ်ပဲများရိတ်သိမ်းနေသည့် စိုက်ကွင်းသို့ကွင်းဆင်း၍ မတ်ပဲဈေးနှုန်းဈေးကွက်အခြေအနေများအား သိရှိနိုင်ရန် ကွင်းဆင်း လေ့လာ ဆောင်ရွက်ခဲ့ပါသည်။
ပြည်ခရိုင်အနေဖြင့် မတ်ပဲစိုက်ဧကမှာ ၁၃၃၇၂၅ ဧကစိုက်ပျိုးပြီး သဲကုန်းမြို့နယ်အနေဖြင့် ၃၁၉၂၉ ဧကစိုက်ပျိုးပြီးဖြစ်ပါသည်။ သဲကုန်းမြို့နယ်တာဝန်ခံနှင့်အဖွဲ့သည် (၇.၃.၂၀၂၂)ရက်နေ့ နံနက် ၁၀:၀၀ နာရီအချိန်တွင် ညောင်ဝန်းအုပ်စု၊ ဝဲကြီးကျေးရွာရှိ မတ်ပဲစိုက်တောင်သူ ဦးမျိုးမြင့်အောင် နှင့်တွေ့ဆုံ၍ မတ်ပဲ ဈေးနှုန်းဈေးကွက်အခြေအနေများအား လေ့လာရာတွင် ပဲစိုက်တောင်သူမှ မတ်ပဲစိုက်ဧက (၅)ဧကရှိပြီး အထွက်နှုန်းမှာ တစ်ဧကလျှင် ၁၅/၁၇ တင်း အထိ ထွက်ရှိကြောင်းသိရပါသည်။ တစ်ဧကထုတ်လုပ်ကုန်ကျစရိတ်အနေဖြင့် (၃)သိန်းကျပ်ခန့် ကုန်ကျ သဖြင့် အကျိုးအမြတ်အနေဖြင့် တစ်ဧကကို ၃၇၀၀၀၀ကျပ်ခန့်ရရှိသိဟုသိရပါသည်။ မတ်ပဲဈေးနှုန်း များအနေဖြင့် ဇန်နဝါရီလကုန်တွင် တစ်တင်းလျှင် ၄၂၀၀၀ကျပ်ဖြင့် အရောင်း အဝယ် ဖြစ်ခဲ့ပြီး ယခုလ မတ်လဆန်း ပိုင်းတွင် တစ်တင်းလျှင် ၄၄၇၀၀ကျပ်အထိ ဈေးမြင့်တက်လာခဲ့ပါသည်။ မတ်ပဲဈေးကွက်အနေဖြင့် ကွင်းထဲအရောက်လာဝယ်သော ဝယ်လက်များရှိသလို ပြည်ပပို့ရန် အတွက် ဝယ်ယူမှုရှိသော ဝယ်လက်များရှိသဖြင့် ဈေးနှုန်းများ ဆက်လက်မြင့်တက်လာကြောင်း သိရပါသည်။ ထို့ကြောင့် အချို့ပဲစိုက်တောင်သူများမှာ အလုပ်သမားခရရန် အနည်းငယ်သာ ထုတ်၍ရောင်းချပြီး ကျန်ပဲများကိုမရောင်းသေးဘဲ ဈေးကောင်းစောင့်မျှော်နေကြောင်း သိရပါသည်။
DOCA(ပဲခူး)