ချင်းပြည်နယ်အတွင်းရှိ စားသုံးသူပြည်သူများ၏ အခွင့်အရေးနှင့်အကျိုးစီးပွားကို အကာကွယ်ပေးနိုင်ရန်အတွက် စားသုံးသူကော်မတီအစည်းအဝေး(၆/၂၀၂၄)ကို ၂၀၂၄ခုနှစ်၊ ဇွန်လ ၂၅ရက်နေ့၊ နေ့လယ်(၁၅:၀၀)နာရီအချိန်တွင် ချင်းပြည်နယ်အစိုးရအဖွဲ့ရုံး၊ စီးပွားရေးရာဝန်ကြီးခန်းမ၌ ကျင်းပပြုလုပ်ခဲ့ပါသည်။
အစည်းအဝေးတွင် စားသုံးသူရေးရာကော်မတီဥက္ကဋ္ဌ စီးပွားရေးရာဝန်ကြီး ဦးဟန်ကျင့်ဇမ်းက အဖွင့်အမှာစကားပြောကြားပြီးနောက် ၂၀၂၄ခုနှစ်၊ ပြည်နယ်စားသုံးသူရေးရာကော်မတီ (၅/၂၀၂၄) အစည်းအဝေး၏ ဆုံးဖြတ်ချက်များပေါ် သက်ဆိုင်ရာကော်မတီဝင်များအနေဖြင့် ဈေးကွက်အတွင်းသို့ သက်ဆိုင်ရာဌာနများက တရားမဝင်ကုန်စည်အဖြစ် ကြေညာထားသည့်ကုန်ပစ္စည်းများ ဈေးကွက်အတွင်းသို့ဝင်ရောက်မှုရှိ/မရှိစစ်ဆေးခြင်း စသည့် လုပ်ငန်းဆောင်ရွက်နေမှုအခြေအနေများကို ရှင်းလင်းဆွေနွေးခဲ့ပြီးနောက် ပြည်နယ်စားသူရေးရာကော်မတီအတွင်းရေးမှူး ဦးလှမိုးနိုင်က မိမိတို့စားသုံးသူရေးဦးစီးဌာနအနေဖြင့် ဈေးကွက်အတွင်း တရားမဝင်ကုန်ပစ္စည်းများဝင်ရောက်မှုရှိ/မရှိစစ်ဆေးခြင်း၊ စီးပွားရေးလုပ်ငန်းရှင်များအား ကြိုတင်အသိပေးခြင်းနှင့် သက်တမ်းလွန်ကုန်ပစ္စည်းများ ဈေးကွက်အတွင်းမှ ပပျောက်စေရန်အတွက် သက်ဆိုင်ရာဌာနများနှင့် လစဉ်ကွင်းဆင်းစစ်ဆေးခြင်း၊ စောင့်ကွက်စောင့်ကြည့်ခြင်းနှင့် အသိပညာပေးခြင်းလုပ်ငန်းများကို ပူးပေါင်းဆောင်ရွက်လျက်ရှိပြီး စားသုံးသူရေးရာဦးစီးဌာန၊ ရုံးချုပ်၏ လမ်းညွှန်ချက်များနှင့် ပြည်နယ်စားသုံးသူရေးရာကော်မတီအဖွဲ့၏ အစည်းအဝေးဆုံးဖြတ်ချက်များကို လိုက်နာဆောင်ရွက်လျက်ရှိပါကြောင်းရှင်းလင်းတင်ပြခဲ့ရာ စီးပွားရေးရာဝန်ကြီးက လိုအပ်သည်များကို ဖြည့်စွက်ရှင်းလင်းမှာကြားခဲ့ကြောင်း သတင်းရရှိပါသည်။
DOCA(ချင်း)