![](http://www.doca.gov.mm/sites/default/files/styles/consumer_inner_image__847x424_/public/IMG-d0bba5742da8911419f571721ebb9f24-V.jpg?itok=KC-Cjrs5)
ကျိုင်းတုံမြို့သည် ပွင့်လင်းရာသီရောက်ရှိလာသည်နှင့်အမျှ မတ်လအတွင်း မန်ကျည်းသီးဈေးကွက်အခြေအနေမှာ ကျိုင်းတုံရှိ နေအိမ်များ၊ ခြံများ၌ ပေါက်ရောက်လျက်ရှိသော မန်းကျည်းပင်များကို အပင်ချုပ်စနစ်ဖြင့်ဝယ်ယူပြီး အစေ့ထုတ်ကာ ကျိုင်းတုံမြို့ဈေးများ၌ အရောင်းအဝယ်ဖြစ်နေကြောင်း သိရှိရပါသည်။
ကျိုင်းတုံမြို့တွင် မန်ကျည်းသီးတစ်ပင်၏ထွက်ရှိနှုန်းမှာ ပျှမ်းမျှပိဿာချိန် (၄၀) မှ (၅၀) ထိ ထွက်ရှိကြောင်းသိရှိရပြီး၊ တစ်ပိဿာလျှင် ရောင်းဈေး (၂၅၀၀)ကျပ် မှ (၃၀၀၀)ကျပ် ထိ ရရှိကာ သဘာဝကပေးသော မန်ကျည်းပင်ကြောင့် အထွေထွေကုန်ကျစရိတ်များနုတ်ကာ တစ်ပင်လျှင် (၂၅၀၀၀) ကျပ်နှုန်း အမြတ်အစွန်းရရှိပါသည်။ မန်ကျည်းသီးရောင်းဝယ်ဖောက်ကားသူများ အလုပ်အကိုင်၊ အခွင့်အလမ်းများရရှိ၍ ဝင်ငွေများရရှိနေပါသည်။
ယခင်နှစ်နှင့် ယခုနှစ်နှိုင်းယှဉ်ကြည့်လျှင် ယခင်နှစ်မန်ကျည်းသီးတစ်ပင်လျှင် (၃၀၀၀၀)ကျပ်၊ အပင်တက်ခ (၁၅၀၀၀)ကျပ်၊ မန်ကျည်းသီးကောက်ခ (၁၅၀၀၀)ကျပ်၊ အစေ့ထုတ်ခ (၈၀၀၀)ကျပ် နှင့် သယ်ယူပို့ဆောင်ခ (၁၅၀၀၀)ကျပ် ရှိ၍ အမြတ်အစွန်းမှာ မန်ကျည်းသီးတစ်ပင်လျှင် (၁၇၀၀၀) ကျပ်ထိ ရရှိပါသည်။ ယခုနှစ်တွင် မန်ကျည်းပင်တစ်ပင်လျှင် (၃၅၀၀၀)ကျပ်၊ အပင်တက်ခ (၂၀၀၀၀)ကျပ်၊ မန်ကျည်းသီးကောက်ခ (၁၈၀၀၀)ကျပ်၊ အစေ့ထုတ်ခ (၁၂၀၀၀)ကျပ်နှင့် သယ်ယူပို့ဆောင်ခ (၂၀၀၀၀)ကျပ် ကုန်ကျပြီး အမြတ်အစွန်းမှာ တစ်ပင်လျှင် (၂၅၀၀၀)ကျပ် ဖြစ်သည့်အတွက် ယခင်နှစ်ထက်အမြတ်အစွန်းပိုမိုရရှိကာ မန်ကျည်းပင်လုပ်ကိုင်ရောင်းဝယ်သည့် မိသားစုများအပိုဝင်ငွေရရှိနေကြောင်း ရေးသားလိုက်ရပါသည်။
DOCA(ရှမ်း)