ပဲခူးတိုင်းဒေသကြီးအစိုးရအဖွဲ့ဝန်ကြီးချုပ်၏ လမ်းညွှန်ချက်အရ တောင်ငူမြို့ရှိ တက္ကသိုလ်၊ ကောလိပ်နှင့် သက်မွေးပညာကျောင်းများတွင် တောင်ငူခရိုင်ဆန်ကုန်သည်နှင့် ဆန်စက်ပိုင်ရှင်များက ဆန်များကိုလည်းကောင်း၊ ဆီကုန်သည်နှင့် ဆီလုပ်ငန်းရှင်များအသင်းက စားသုံးဆီများကိုလည်းကောင်း အပတ်စဉ် သက်သာသောဈေးနှုန်းဖြင့် သက်ဆိုင်ရာကျောင်းများသို့ အရောက်သွားရောက်ရောင်းချပေးလျက်ရှိပါသည်။
ဇူလိုင်လ ၂ ရက်နေ့တွင် တောင်ငူတက္ကသိုလ်၌ ဆန် ၁၀အိတ်နှင့် ဆီ ၂၃၀ပိဿာ၊ ပညာရေးဒီဂရီကောလိပ်(တောင်ငူ)၌ ဆန် ၁၀အိတ်နှင့် ဆီပိဿာ၁၅၀၊ စက်မှုလက်မှုသိပ္ပံ (တောင်ငူ)၌ ဆန် ၁၀အိတ်နှင့် ဆီ ၅၀ပိဿာတို့ကို ဆန်တစ်ပြည်လျှင် ၃၀၀၀ကျပ်၊ ဆီတစ်ပိဿာလျှင် ၅၈၀၀ကျပ်နှုန်းဖြင့် ရောင်းချပေးပါသည်။
တက္ကသိုလ်၊ ကောလိပ်နှင့် သက်မွေးပညာသင်ကျောင်းများသို့ စားသုံးဆီများကို အပတ်စဉ်ရောင်းချပေးနိုင်ရေး ဆောင်ရွက်လျက်ရှိကြောင်းနှင့် စားသုံးဆီများရောင်းချရာသို့ စားသုံးသူရေးရာဦးစီးဌာန၊ ခရိုင်ဦးစီးမှူး ဦးမျိုးအောင်နှင့် ဝန်ထမ်းများကကြီးကြပ်ပြီး လိုအပ်သည်များကို ကူညီဆောင်ရွက်ပေးခဲ့ကြောင်းသိရပါသည်။
DOCA(ပဲခူး)