ဧရာဝတီတိုင်းဒေသကြီး၊ ကျောင်းကုန်းမြို့နယ်တွင် ပြည်ပဈေးကွက်ဝယ်လိုအားရှိသော မိချောင်းကွင်းဖတ်စိုက်ပျိုးသည့်တောင်သူများ ယခုနှစ်တွင် ဈေးကောင်းရရှိပြီး တွက်ခြေကိုက်လျက်ရှိကြောင်း ကျောင်းကုန်းမြို့နယ်၊ သစ်ဆိမ့်ကုန်းကျေးရွာအုပ်စု၊ ရွှေကညင်ပင်ကျေးရွာရှိ မိချောင်းကွင်းဖတ်စိုက်ပျိုးတောင်သူဦးကျော်စိုးထံမှ သိရသည်။
ကျောင်းကုန်းမြို့နယ်တွင် ယခင်မိချောင်းကွင်းဖတ်စိုက်ပျိုးသော တောင်သူ(၂၅/၃၀)ဦး ခန့်ရှိပြီး ဈေးကွက်ဝယ်လိုအားရှိသော်လည်း ဈေးနှုန်းခန့်မှန်း၍မရသောကြောင့် နောက်ပိုင်းတွင် မိချောင်းကွင်းဖတ်စိုက်ပျိုးသောတောင်သူများ လျော့နည်းလာသောကြောင့် ၂၀၁၆ ခုနှစ်တွင် မိချောင်းကွင်းဖတ်၁ပိဿာကို ကျပ်(၁၂၀၀၀)ရရှိပြီး တောင်သူများတွက်ချေကိုက်မှုရှိသော်လည်း ၂၀၁၇ခုနှစ်တောင်သူအများစုစိုက်ပျိုးလာချိန် မိချောင်းကွင်းဖတ်၁ပိဿာကို (၃၄၀၀)ကျပ်ဖြစ်သွားသည့်အတွက် တွက်ချေကိုက်မှုမရှိသည်၍ ၂၀၁၈၊၂၀၁၉ခုနှစ်များတွင် တောင်သူအများစုမစိုက်ပျိုးသောကြောင့် စိုက်ဧကလျောနည်းခဲ့ကြောင်း ကျောင်းကုန်းမြို့နယ် တာဝန်ခံဦးတင်ကိုမှ ဈေးကွက်အခြေအနေအား မေးမြန်းခဲ့ရာ ဒေသခံတောင်သူများထံမှ သိရသည်။
ယခုနှစ်တွင်မိချောင်းကွင်းဖတ်စိုက်ပျိုးသူတောင်သူဦးကျော်စိုးထံက မိုးဦးကာလ ဇွန်လမှစတင်ပြီး ဖေဖော်ဝါရီလအထိ ကြဲခင်းဖြစ်၍ (၉)လခန့်စိုက်ပျိူးရကြောင်း၊ စိုက်ပျိုးပြီးစီးချိန်လိုအပ်သော ပိုးသတ်ဆေး၊ မှိုသတ်ဆေးများဖျန်းပေးရပြီး ရေတင်ပေးရကြောင်း၊ (၁)ဧက ပျမ်းမျှအထွက်နှုန်းမှာ(၁၀)တင်းမှ(၁၅)တင်းအထိ ထွက်ရှိနိုင်ဟု ခန့်မှန်း၍ လက်ရှိ ၁ပိဿာ ကျပ်၆၀၀၀ပေါက်ဈေးရှိပြီး (၁)ဧက စိုက်ပျိုးထုတ်လုပ်မှုမှာ ကျပ်သုံးသိန်းခန့်ရှိ၍ ၁ဧကလျှင်ပိဿာ၁၅၀ခန့် ထွက်ရှိပါက ကျပ်(၉၀၀၀၀၀)ဝန်းကျင်ရရှိမှာဖြစ်သည့်အတွက် အကျိုးအမြတ်မှာ ၁ဧကကို ကျပ်(၆)သိန်းခန့်ရရှိနိုင်ကြောင်း ပြည်ပဈေးကွက် ဝယ်လိုအားရှိသော မိချောင်းကွင်းဖတ်ကို ယခုနှစ်ဈေးကွက်အခြေအနေအရ နောက်နှစ်ကို တောင်သူအများစု ပြန်လည်စိုက်ပျိုးခြင်းဖြင့် ပြည်ပဝင်ငွေတိုးမြှင့်ရရှိနိုင်မှာဖြစ်ကြောင်း မိချောင်းကွင်းဖတ် စိုက်ပျိုးသည့်တောင်သူများအား ကျောင်းကုန်းမြို့နယ်တာဝန်ခံဦးတင်ကိုမှ ကွင်းဆင်းလေ့လာ ဆွေးနွေးခဲ့ကြောင်း သိရသည်။
DOCA(ဧရာဝတီ)