မိတ္ထီလာခရိုင်၊သာစည်မြို့နယ်ရှိ တောင်ပေါ်ဒေသကျေးရွာများတွင် ချင်းကို တစ်နိုင်တစ်ပိုင်သာစိုက်ပျိုးကြသဖြင့် ဒေသတွင်းစားသုံးမှုအတွက် လိုအပ်ချက်ကို ရှမ်းပြည်နယ်၊ အောင်ပန်းမှ ဝယ်ယူရောင်းချကြပ့ါသည်။ မေလတွင် စိုက်ပျိုးသောချင်းများမှာ ဇန်နဝါရီလတွင်ထွက်ရှိပြီး နိုဝင်ဘာလတွင် စိုက်သောချင်းများမှာ ဇူလိုင်လတွင် ထွက်ရှိပါသည်။ ချင်းကို ဟင်းခတ်အမွှေးအကြိုင်အဖြစ်အသုံးပြုကြသည့်အပြင် ဆေးဝါးဖော်စပ်ရာ၌လည်း အသုံးပြုကြသဖြင့် ချင်းသည် ကျန်းမာရေးနှင့်ညီညွတ်သည့် အစာလည်းဆေး၊ ဆေးလည်းအစာတစ်မျိုးဖြစ်၍ အိမ်တိုင်းမရှိမဖြစ်အသုံးပြုကြပါသည်။ ဈေးကွက်အတွင်း၌ ယခုဇူလိုင်လ တတိယပတ်တွင် ချင်းတစ်ပိဿာလျှင် (၃၀၀၀-၅၀၀၀) ကျပ်ဖြင့်အရောင်းအဝယ်ဖြစ်လျက်ရှိပြီး ယခင်ဇွန်လ တတိယပတ်တွင် ချင်းတစ်ပိဿာလျှင် (၈၀၀၀-၉၀၀၀) ကျပ်ခန့်ရှိကြောင်း၊ ယခင်နှင့်ယခုလကာလတူဈေးနှုန်းတို့ကိုနှိုင်းယှဉ်လျှင် ချင်းတစ်ပိဿာလျှင် (၄၀၀၀-၅၀၀၀) ကျပ်ခန့်ဈေးနှုန်းကျဆင်းလာကြောင်း၊ ဈေးနှုန်းကျဆင်းလာရခြင်းမှာ ချင်းရာသီပေါ်ချိန်ဖြစ်၍ ဈေးကွက်အတွင်း အဝင်များလာခြင်းကြောင့်ဖြစ်သည်ဟု ပွဲရုံလုပ်ငန်းရှင်များနှင့် လက်လီ/လက်ကားအရောင်းဆိုင်များထံမှ သိရှိရပါသည်။
DOCA(မန္တလေး)