မကွေးတိုင်းဒေသကြီး၊ မကွေးခရိုင်၊ မကွေးမြို့သို့ ကျောက်ပန်းတောင်းဒေသထွက် ရာသီပေါ် နဂါးမောက်သီးနှင့် မာလကာသီးများ နေ့စဉ်ဝင်ရောက်လျက်ရှိကြောင်းသိရသည်။
မကွေးမြို့ပေါ်ရှိ သစ်သီးဆိုင်များသို့ နဂါးမောက်သီး(ဖြူ၊ နီ) တစ်ကီလိုလျှင် ကျပ်(၁၈၀၀)ဖြင့်မှာယူ၍ တစ်ရက်လျှင် ကီလို(၁၅၀)ခန့်ဝင်ရောက်လျက်ရှိပြီး လက်လီဈေးနှုန်းတစ်ကီလိုလျှင် ကျပ် (၂၆၀၀)ဖြင့်ပြန်လည်ရောင်းချကြောင်း၊ လုံးကောက်အနေဖြင့် အလုံးအကြီး၊ အသေးပေါ်မူတည်၍ တစ်လုံးလျှင် ကျပ်(၁၀၀၀-၁၅၀၀)ဖြင့်ရောင်းချကြောင်း၊ မာလကာသီးတစ်ပိဿာလျှင် ကျပ် (၁၈၀၀)ဖြင့်မှာယူ၍ တစ်ရက်လျှင် ပိဿာချိန် (၆၀၀)ခန့်ဝင်ရောက်လျက်ရှိပြီး တစ်ပိဿာလျှင် ကျပ်(၂၅၀၀)ဖြင့်ပြန်လည်ရောင်းချကြောင်း၊ လုံးကောက်အနေဖြင့် အလုံး အကြီး၊ အသေးပေါ်မူတည်၍ တစ်လုံးလျှင် ကျပ် (၄၀၀-၅၀၀-၈၀၀)ဖြင့်ရောင်းချလျက်ရှိကြောင်း၊ ကျောက်ပန်းတောင်းမြို့မှ မကွေးမြို့သို့ သယ်ယူခနှုန်းထားအနေဖြင့် ကီလို(၄၀)ပါ နဂါးမောက်သီးခြင်းတစ်ခြင်းလျှင် ကျပ်(၃၀၀၀)ဖြင့်လည်းကောင်း၊ ပိဿာ(၃၀)ပါ မာလကာသီးတစ်အိတ်လျှင် တန်ဆာခ ကျပ် (၃၀၀၀)ပေးရကြောင်းသိရသည်။
မာလကာသီးမှာ တစ်နှစ်ပတ်လုံးထွက်ရှိပြီး ယခင်လများတွင် တစ်လုံးလျှင် ကျပ် (၈၀၀-၁၀၀၀-၁၅၀၀)ဖြင့်အရောင်းအဝယ်ဖြစ်လျက်ရှိရာ ဇူလိုင်လတွင် မာလကာသီးလှိုင်လှိုင်ပေါ်ချိန်ဖြစ်၍ ဈေးနှုန်းကျဆင်းရခြင်းဖြစ်ကြောင်း မကွေးမြို့ပေါ်ရှိ "သိန်းသန်းကျော်"သစ်သီးမျိုးစုံအရောင်းဆိုင်မှသိရှိရပါသည်။
DOCA(မကွေး)