ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၊ စည်ပင်သာယာမြို့မဈေးအတွင်း/ အပြင်ရှိ စားသောက်ကုန်ပစ္စည်းများနှင့်အခြားကုန်ပစ္စည်းအရောင်းဆိုင်များသို့ ပလတ်စတစ်များ အလွန်အကျွံသုံးစွဲနေခြင်းကြောင့် သဘာဝပတ်ဝန်းကျင်ထိခိုက်မှုအန္တရာယ်လျော့နည်းစေရန်ရည်ရွယ်၍ ဈေးရောင်း၊ ဈေးဝယ်စားသုံးသူပြည်သူများအား ပလတ်စတစ်သုံးစွဲနေမှုလျှော့ချရေး အသိပညာပေးကွင်းဆင်းစစ်ဆေးခြင်းကို ဩဂုတ်လ(၅)ရက်နေ့၊ နံနက်(၁၀း၃၀)နာရီအချိန်တွင် ဌာနဆိုင်ရာပူးပေါင်းအဖွဲ့မှ ဆောင်ရွက်ခဲ့ကြောင်းသိရသည်။
ထိုသို့ဆောင်ရွက်ခဲ့ရာတွင် စည်ပင်သာယာမြို့မဈေးတာဝန်ခံ၊ မြို့နယ်ကျန်းမာရေးဦးစီးဌာနမှ ဝန်ထမ်းများ၊ စားသုံးသူရေးရာဦးစီးဌာနမှ မြို့နယ်တာဝန်ခံတို့ပူးပေါင်းအဖွဲ့သည် ကော့မှူးမြို့နယ်စည်ပင်သာယာမြို့မဈေး အတွင်း/အပြင်ရှိ ဈေးရောင်း၊ ဈေးဝယ်စားသုံးသူပြည်သူများနှင့်တွေ့ဆုံကာ စားသောက်ကုန်၊ လူသုံးကုန်ပစ္စည်းများရောင်းချရာတွင် သဘာဝပတ်ဝန်းကျင်းထိခိုက်မှုကိုဆိုးကျိုးဖြစ်စေနိုင်သည့် ပလတ်စတစ်ပစ္စည်းအမျိုးမျိုးတို့ကို အလွန်အကျွံသုံးစွဲခြင်းများမပြုကြရန်နှင့် ပလတ်စတစ်အစားထိုးပစ္စည်းများဖြစ်သော မိမိတို့၏ဒေသထွက် ငှက်ပျောဖက်၊ အင်ဖက်၊ စလှူဖက်၊ သစ်ရွက်အကြီးစား၊ စက္ကူတို့နှင့်သာထုပ်ပိုးရောင်းချကြရန်၊ စားသုံးသူပြည်သူများ အစားအစာဘေးကင်းလုံခြုံစိတ်ချရမှုရှိစေရေးတို့အတွက် လတ်ဆတ်သန့်ရှင်းသောအသီးအရွက်၊ အသားငါးနှင့်အခြား စားသောက်ကုန်ပစ္စည်းများကို စနစ်တကျရောင်းချပေးကြရန်၊ လတ်တလောဖြစ်ပေါ်နေသော ဝမ်းပျက်၊ ဝမ်းလျှောရောဂါနှင့်ပတ်သက်၍ သန့်ရှင်းသပ်ရပ်မှုရှိစေရေးတို့အတွက် ပလတ်စတစ်အမှိုက်များစွန့်ပစ်ရာ၌ စနစ်တကျရှိစေရေး၊ ရေစီးရေလာကောင်မွန်မှုရှိစေရေးတို့အား သက်ဆိုင်ရာတာဝန်ရှိသူများက ဈေးရောင်း/ဈေးဝယ်စားသုံးသူပြည်သူများအား ပလတ်စတစ်သုံးစွဲမှုလျှော့ချစေရေး အသိပညာပေးကွင်းဆင်းစစ်ဆေးခဲ့ကြောင်းသိရှိရပါသည်။
DOCA(ရန်ကုန်)