“မိုးချည်မျှင်ရှည်ဝါများ စတင်ထွက်ပေါ်လျက်ရှိ”

      မန္တလေးတိုင်းဒေသကြီး၊ ကျောက်ဆည်ခရိုင်တွင် သီးနှံမျိုးစုံစိုက်ပျိုးဖြစ်ထွန်းလျက်ရှိရာ ရာသီအလိုက်သီးနှံများကိုလည်းစိုက်ပျိုးလျက်ရှိရာ ဝါသီးနှံကိုလည်းစိုက်ပျိုးကြပါသည်။ ခရိုင်အတွင်း  မိုးချည်မျှင်ရှည်ဝါစိုက်ဧကစုစုပေါင်း (၁၃၃၉၇)ဧကစိုက်ပျိုးထားရှိခဲ့ရာ ကျောက်ဆည်မြို့နယ်တွင် (၅၁၈၂)ဧက၊ စဉ့်ကိုင်မြို့နယ်တွင် (၁၆၉) ဧက၊ မြစ်သားမြို့နယ်တွင် (၆၅၂၄) ဧကစိုက်ပျိုးနိုင်ခဲ့ကြောင်း၊ သြဂုတ်လဆန်းပိုင်းမှစတင်၍ ဝါများစတင်ထွက်ရှိနေပြီဖြစ်ကြောင်း၊ မြစ်သားမြို့နယ်တွင် (၃၃၀)ဧကနှင့် စဉ့်ကိုင်မြို့နယ်တွင် (၁၉၀)ဧကထွက်ရှိပြီဖြစ်ကြောင်း၊ ခရိုင်ကြေးတိုင်နှင့်မြေစာရင်းဦးစီးဌာန၏ စာရင်းများအရ သိရှိရပါသည်။ (၁)ဧကအထွက်နှုန်းအနေဖြင့် ပိဿာ(၄၀၀-၅၀၀)ထွက်ရှိကြောင်း၊ မိုးဝါများကို ဧပြီလနှင့် မေလများတွင်စိုက်ပျိုးခဲ့ရာ ယခုသြဂုတ်လဆန်းပိုင်းတွင် စတင်ထွက်ရှိခဲ့ခြင်းဖြစ်ပါသည်။ ဝါစိုက်ပျိုးမှုကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၃၀၀၀၀၀/-)ကျပ်ခန့်ကုန်ကျကြောင်း၊ စိုက်ပျိုးပြီး (၂၅-၃၀)ရက်အကြာတွင် ပန်းစတင်ဝင်ပြီး ဝါပေါက်ရန်အတွက် ပန်းစပွင့်ပြီး ရက်(၅၀-၆၀)အကြာတွင် ဝါများရင့်မှည့်ကာ စတင်ကောက်ယူခူးဆွတ်၍ရကြောင်း၊ စိုက်ပျိုးပြီး ၃လအကြာတွင် စတင်ထွက်ရှိခြင်းဖြစ်ပါသည်။ ဝါအရည်အသွေးကောင်းမွန်ရန်အတွက် ရင့်မှည့်ပြီးသီးနှံခြောက်မှ ကောက်ရန်လိုအပ်ကြောင်း၊ သို့မှသာ အရည်အသွေးကောင်းမွန်သော ဝါများရမည်ဖြစ်ကြောင်း၊ ယခင်နှစ်မိုးဝါထွက်ရှိချိန်တွင် ဝါတစ်ပိဿာလျှင် (၃၃၀၀/-) ကျပ်၊ ဂွမ်းတစ်ပိဿာလျှင် (၇၃၀၀/-)ကျပ်၊ ဝါစေ့တစ်ပိဿာလျှင် (၁၄၀၀/-)ကျပ်စျေးနှုန်းများရှိခဲ့ပြီး ယခုလက်ရှိ မိုးဝါ(အသစ်) စျေးနှုန်းအနေဖြင့် ဝါတစ်ပိဿာလျှင် (၃၃၀၀/-)ကျပ်၊ ဂွမ်းတစ်ပိဿာလျှင် (၈၃၀၀/-)ကျပ်၊ ဝါစေ့တစ်ပိဿာလျှင် (၁၆၀၀/-)ကျပ် စျေးနှုန်းများဖြင့် ရောင်းဝယ်လျက်ရှိပြီး ဂွမ်းနှင့်ဝါများကို ချည်မျှင်စက်ရုံနှင့်ရက်ကန်းရုံများမှ လာရောက်ဝယ်ယူကြကြောင်း၊ ယခုနှစ်ဝါစိုက်ပျိုးမှုတွင် အကျိုးအမြတ်ဖြစ်ထွန်းကြောင်း၊ ဝါအများဆုံးစိုက်ပျိုးသော ဒိုင်းနှင့် မြနဒီကျေးရွာများမှ တောင်သူများ၏ပြောကြားချက်အရသိရှိရပါသည်။   

DOCA(မန္တလေး)