၂၃-၃-၂၀၂၂ ရက်နေ့၊ နံနက် ၁၀:၀၀ နာရီအချိန်၌ စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဘားအံမြို့၊ ပြည်နယ်မီးသတ်ဦးစီးဌာန၊ အစည်းအဝေးခန်းမတွင် စားသုံးသူပြည်သူများကို ထုတ်ကုန်လုံခြုံ စိတ်ချရမှုရှိစေရန်အတွက် ကုန်အညွှန်းအမှတ်အသားဆိုင်ရာ အသိပညာပေး ဟောပြောပွဲ ကျင်းပခဲ့ကြောင်း သိရှိရပါသည်။
အဆိုပါဟောပြောပွဲတွင် ဒေါ်စုနွေးသီရိမောင် (အကြီးတန်းစာရေး)က စားသုံးသူရေးရာဦးစီးဌာန၏ မျှော်မှန်းချက်နှင့် ရည်မှန်းချက်အကြောင်း၊ ထုတ်ကုန်လုံခြုံစိတ်ချရမှုရှိစေရန်အတွက် ကုန်အညွှန်းအမှတ်အသားနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်မှ(၂/၂၀၁၉)ဖြင့် ထုတ်ပြန် ထားသော ကုန်စည်များပေါ်တွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တစ်ခု သို့မဟုတ် တစ်ခု ထက်ပို၍ တွဲလျက်ဖြစ်စေဖော်ပြရမည်ဖြစ်ကြောင်းနှင့် ကုန်စည်များပေါ်တွင် အဓိကပါဝင်ရမည့်အချက်များကို ပြည့်စုံစွာဖော်ပြရမည်ဖြစ်ကြောင်း၊ စားသုံးသူ ကာကွယ်ရေးဉပဒေပါ အခွင့်အရေးများနှင့် တာဝန်များ၊ စီးပွားရေးလုပ်ငန်းရှင်များက လိုက်နာရမည့်တာဝန်များအကြောင်း ရှင်းလင်းပြောကြားခဲ့ပြီး၊ စားသုံးသူပြည်သူများက ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင် ကုန်အညွှန်းအမှတ်အသားပြည့်စုံစွာ ဖော်ပြပါရှိသော ကုန်စည်များကိုသာ ရွေးချယ်ဝယ်ယူသုံးစွဲကြရန် အသိပညာပေး ရှင်းလင်းပြောကြားခဲ့ပါသည်။
ဆက်လက်၍ စားသုံးသူပြည်သူများက ကုန်စည်နှင့်ဝန်ဆောင်မှုများ ဝယ်ယူသုံးစွဲရာ တွင် နစ်နာဆုံးရှုံးမှု ပေါ်ပေါက်လာပါက စားသုံးသူရေးရာဦးစီးဌာန www.doca.gov.mm website သို့လည်းကောင်း၊ Consumer Call Center ကုတ်နံပါတ် 1535 (or) 09765481535 သို့လည်းကောင်း ဆက်သွယ်တိုင်ကြားနိုင်ကြောင်း၊ စားသုံးသူရေးရာဦးစီးဌာန၊ ကရင်ပြည်နယ်၊ Consumer Information Complaint Center (CICC) ရုံးတွင် တိုင်ကြားနိုင်ကြောင်း ရှင်းလင်းပြောကြားခဲ့ပြီး တက်ရောက်လာသူများက သိလိုသည်များကို မေးမြန်းပြီး ပြန်လည်ရှင်းလင်းပြောကြားခဲ့ပါသည်။ ဟောပြောပွဲတွင် (၃၀) ဦး တက်ရောက်ပြီး တက်ရောက်လာသူများကို စားသုံးသူအသိပညာပေးလက်ကမ်းစာစောင်များလည်း ဖြန့်ဝေခဲ့ကြောင်း သိရှိရပါသည်။
DOCA(ပဲခူး)