ထောပတ်သီးသည် မွန်ပြည်နယ်အနေဖြင့် စိုက်ပျိုးမှုနည်းပါး၍ ရှမ်းပြည်နယ်မှ အဝင်များသော အသီးများဖြစ်သည်။ ယခုအချိန်တွင် မော်လမြိုင်မြို့ပေါ်ရှိဈေးများ၌ ထောပတ်သီးများ အများအပြား ရောင်းချလျက်ရှိသည်ကို တွေ့ရှိရသည်။ ထောပတ်သီး၏ဈေးနှုန်းများမှာ (အကြီး)အသီးတစ်ကီလိုလျှင် ၄၅၀၀ကျပ်၊(အသေး)အသီး တစ်ကီလိုလျှင် ၄၀၀၀ ကျပ်၊ အရွယ်အစားပေါ်မူတည်၍ ဈေးနှုန်းကွာဟမှုရှိသည်။ ထောပတ်သီးကို စားသုံးခြင်းဖြင့် ခန္ခာကိုယ်အတွက် အကျိုးပြုသော အဆီတစ်မျိုး ဖြစ်သော Omega 3 fatty acid ကြွယ်ဝစွာ ပါဝင်ပါသည်။ ၎င်းအသီးမှာ ပါဝင်သော မပြည့်ဝဆီသည် ကိုယ်သွေးတွင်း ကိုလစ်စထရောဓာတ်ကိုကျစေပြီး၊ နှလုံးကိုကျန်းမာစေသည်။ ပရိုတင်းဓာတ်ကြွယ်ဝပြီး သကြားဓာတ်ပါဝင်မှုတော်တော်နည်းပါးသည်။ ထို့ကြောင့် စားသုံးသူများ၍ အမျိုးမျိုး(ထောပတ်သီးအခြစ်သော်လည်းကောင်း၊ ဖျော်ရည်သော်လည်းကောင်း) စားသောက်ကြသည်။
DOCA(မွန်)