စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် မြောက်ပိုင်းခရိုင်အတွင်းရှိ လူသုံးများသောဆေးဝါးများအား ဈေးကွက်စောင့်ကြည့်ခြင်းလုပ်ငန်းများဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးရာတွင် အင်းစိန်မြို့နယ်ရှိ အမှတ်(၈၂)၊ ဘုရင့်နောင်လမ်း၊ ပေါက်တောဝ ရွှေအိုးဆေးဆိုင်သို့ ဆေးပစ္စည်းနှင့်ပတ်သက်၍ လူသုံးများသောဆေးဝါးများ ပြတ်လပ်မှုရှိ/မရှိနှင့် စားသုံးသူထိခိုက်နိုင်ခြေမြင့်မားသည့် စံမညီဆေးဝါးများနှင့် သက်တမ်းလွန်ဆေးဝါးများရောင်းချခြင်းရှိ/မရှိတို့ကို ဈေးကွက်စောင့်ကြည့်စစ်ဆေးခဲ့ပြီး ဆေးဝါးပြတ်လပ်မှုမရှိစေရေးဆောင်ရွက်ကြရန်နှင့် စံနှုန်းညီညွတ်သော ဆေးဝါးများကိုသာရောင်းချကြရန် ညွှန်ကြားဆောင်ရွက်မှုများပြုလုပ်ခဲ့ကြောင်းသိရှိရပါသည်။
DOCA(ရန်ကုန်)