စစ်ကိုင်းတိုင်းဒေသကြီးအတွင်းရှိ တမူးမြို့နယ်၊ တမူးကုန်သွယ်ရေးစခန်းမှ အိန္ဒိယနယ်စပ်သို့ နေ့စဉ် ပို့ကုန်များကို တင်ပို့လျှက်ရှိပါသည်။ ၂၀၂၂ ခုနှစ်၊ မတ်လ တတိယပတ်တွင် လယ်ယာ ထွက်ကုန်ပစ္စည်းအနေဖြင့် ကြက်သွန်နီ (၃၉.၅၀၀)တန်၊ တန်ဖိုးအမေရိကန်ဒေါ်လာသန်း(၀.၁၁၇)၊ မက်မွန်သီး (၁၈.၅၁၈)တန်၊ တန်ဖိုးအမေရိကန်ဒေါ်လာသန်း (၀.၀၀၃)၊ ကွမ်းသီး(၁၀၀.၀၀၀)တန်၊ တန်ဖိုး အမေရိကန်ဒေါ်လာသန်း (၀.၁၀၂)တင်ပို့နိုင်ခဲ့ပါသည်။ စက်မှုကုန်ချောအနေဖြင့် စီးကရက်(၃၂.၀၀၀)တန်၊ တန်ဖိုးအမေရိကန်ဒေါ်လာသန်း (၀.၀၇၂)တင်ပို့နိုင်ခဲ့ပြီး အခြားပစ္စည်းအနေဖြင့် နန့်ဖာလုံကုန်စုံ တန်ဖိုး အမေရိကန်ဒေါ်လာသန်း (၀.၁၀၀) တင်ပို့နိုင်ခဲ့ကြောင်း သိရှိရသည်။
သွင်းကုန်အနေဖြင့် ရင်းနှီးမြှုပ်နှံမှုပစ္စည်းများဖြစ်သည့် ကတ္တရာ(၃၂၂.၀၀)တန်၊ တန်ဖိုး အမေရိကန် ဒေါ်လာသန်း (၀.၂၀၄)၊ လုပ်ငန်းသုံးပစ္စည်းများဖြစ်သည့် ဓာတ်မြေသြဇာ (၁၂၉.၂၅၀)တန်၊ တန်ဖိုး အမေရိကန်ဒေါ်လာသန်း (၀.၀၆၅)တင်သွင်းနိုင်ခဲ့ကြောင်း သိရှိရသည်။ ၂၀၂၂ ခုနှစ်၊ မတ်လ တတိယပတ်တွင် ပို့ကုန်စုစုပေါင်း(၁၉၀.၀၁၈)တန်၊ တန်ဖိုးအမေရိကန်ဒေါ်လာသန်း (၀.၂၈၉)တင်ပို့ နိုင်ခဲ့မှု တန်ချိန်၊ တန်ဖိုးအခြေအနေနှင့် သွင်းကုန်စုစုပေါင်း (၄၅၁.၂၅၀)တန်၊ တန်ဖိုးအမေရိကန် ဒေါ်လာသန်း(၀.၂၆၉)သန်း တင်သွင်း နိုင်ခဲ့ပါကြောင်း ကုန်သွယ်ရေးဦးစီးဌာန၊ တမူးနယ်စပ်ကုန်သွယ်ရေး စခန်းမှတစ်ဆင့် သတင်းရရှိပါသည်။
DOCA(စစ်ကိုင်း)