တောင်ငူမြို့ ညောင်ပင်လေးဈေးသို့ အညာဒေသထွက် ပဲလိပ်ပြာများကို လာရောက်ရောင်းချလျက်ရှိပါသည်။
ယခင်နှစ်တွင် ပဲလိပ်ပြာ ၂၅ကျပ်သားလျှင် ၁၈၀၀ကျပ်၊ တစ်ပိဿာယူလျှင် ၆၀၀၀ကျပ်ရှိခဲ့ပါသည်။ ၂၀၂၄ခုနှစ်၊ ဩဂုတ်လ၊ တတိယအပတ်တွင် ပဲလိပ်ပြာ ၂၅ကျပ်သားလျှင် ၃၀၀၀ကျပ်၊ တစ်ပိဿာလျှင် ၁၀၀၀၀ကျပ်ရှိသဖြင့် ယခင်နှစ်ထက် တစ်ပိဿာလျှင် ၄၀၀၀ကျပ်ဈေးနှုန်းမြင့်တက်လာပါသည်။
ပဲလိပ်ပြာသည် အခြားပဲများကဲ့သို့ ကြာကြာချက်စရာမလိုဘဲ အချိန်ခဏလေးနှင့်နူးလွယ်ပြီး အရသာလည်းဆိမ့်သဖြင့် လူကြိုက်များပါသည်။ အခွံနှင့် တစ်မျိုး၊ အခွံခွါပြီး တစ်မျိုး ကြိုက်နှစ်သက်သလို ချက်စားနိုင်သဖြင့် လူကြိုက်များ၍ ရောင်းအားကောင်းကြောင်း ပဲလိပ်ပြာရောင်းချသူများထံမှသိရှိရပါသည်။
DOCA(ပဲခူး)