တောင်ငူမြို့ ညောင်ပင်ဈေးရှိ ဘုရားပန်းဆိုင်များတွင် ပန်းထိမ်ငိုပန်းများ ရောင်းအားကောင်းလျက်ရှိပါသည်။ ပန်းထိမ်ငိုပန်းများသည် အခြားပန်းများထက်စာလျှင် ရက်တာရှည်ခံသဖြင့် လူကြိုက်များခြင်းဖြစ်ပါသည်။
ညောင်ပင်ဈေးရှိ ပန်းဆိုင်များမှရောင်းချသော ပန်းထိမ်ငိုပန်းများမှာ တောင်ငူဒေသ ရှမ်းဝတီးရွာမှထွက်ရှိသည့် ပန်းထိမ်ငိုပန်းများနှင့် မန္တလေးတိုင်းဒေသကြီး၊ ပြင်ဦးလွင်ဒေသမှ လာရောက်ရောင်းချသည့် ပန်းထိမ်ငိုပန်းများဟူ၍ နှစ်မျိုးရှိပြီး ပြင်ဦးလွင်ပန်းထိမ်ငိုပန်းများမှ ဒေသပန်းထိမ်ငိုပန်းများထက် အပွင့်ကြီးသည့်အပြင် ဈေးနှုန်းလည်းကြီးပါသည်။
၂၀၂၄ခုနှစ်၊ ဩဂုတ်လ၊ တတိယအပတ်တွင် ဒေသထွက် ပန်းထိမ်ငိုပန်း(အဖြူ) ၁၀ပွင့်ပါတစ်စည်းလျှင် ၁၅၀၀ကျပ်ရှိပြီး ပြင်ဦးလွင်ဒေသမှဝင်ရောက်လာသည့် ပန်းထိမ်ငိုပန်းများမှာ ၁၀ပွင့်ပါတစ်စည်းလျှင် ၃၀၀၀ကျပ်ရှိကြောင်း ညောင်ပင်ဈေးရှိ ဘုရားပန်းရောင်းချသူများထံမှသိရပါသည်။
DOCA(ပဲခူး)