စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ် ဇီးကုန်းမြို့ရှိ နဂါးပေါ်ရပ်ကွက်တွင် မိရိုးဖလာလုပ်ငန်းစုတစ်ခုဖြစ်သည့် လက်ဆွဲခြင်းနှင့်ဇကာခုံး ယက်လုပ်သည့်လုပ်ငန်းကို မိသားစုတစ်နိုင် တစ်ပိုင်လုပ်ငန်းအဖြစ် လုပ်ကိုင်ကြပါသည်။
လက်ဆွဲခြင်းနှင့် ဇကာခုံးယက်လုပ်ရာတွင် တင်းဝါးကိုအသုံးပြုရကြောင်း၊ တင်းဝါးထွက်ရှိ ဒေသ များမှာ စစ်ကိုင်းတိုင်းဒေသကြီး၊ မုံရွာမြို့အတွင်းရှိ မဟာမြိုင်ရွာနှင့် ကန့်ဘလူခရိုင်၊ ကန့်ဘလူမြို့နယ်ရှိ စံပယ်နံ့သာရွာနှင့် ငှက်ပျောတိုင်းရွာများမှလည်း ထွက်ရှိကြောင်းသိရှိရပါသည်။
လက်ဆွဲခြင်းယက်လုပ်ရာတွင် တင်းဝါး(၁)လုံးကို အသုံးပြုရကြောင်း၊ တင်းဝါး(၁)လုံးလျှင် ယခု လက်ရှိပေါက်ဈေး (၃၀၀၀၀/-)ကျပ်ဖြင့် ဝယ်ယူရကြောင်း၊ တင်းဝါး(၁)လုံးယက်လုပ်လျှင် လက်ဆွဲခြင်း (၅) လုံးရရှိကြောင်း၊ ယက်လုပ်ပြီးရရှိလာသော လက်ဆွဲခြင်းများကို ပြန်လည်ရောင်းချသည့် ဆိုင်များမှလာ ရောက်ဝယ်ယူကြပြီး လက်ကားရောင်းဈေး (၁) လုံးလျှင် အသေး/အကြီးပေါ်မူတည်၍ (၂၀၀၀၀/-) ကျပ် ၊ (၂၅၀၀၀/-) ကျပ်နှင့် (၃၀၀၀၀/-) ကျပ်ဖြင့် လာရောက်ဝယ်ယူကြကြောင်း သိရှိရပါသည်။
ဇကာခုံးယက်လုပ်ရာတွင် တင်းဝါးအမျိုးအစားဖြစ်သည့် ဝါးနီးဝါးကို အသုံးပြုရကြောင်း၊ ဝါးနီဝါး (၁)လုံးလျှင် ယခုလက်ရှိပေါက်ဈေး (၃၀၀၀၀/-)ကျပ်ဖြင့် ဝယ်ယူရကြောင်း၊ ဝါးနီဝါး(၁)လုံးယက်လုပ်လျှင် ဇကာခုံး (၁၅) လုံး ထွက်ရှိကြောင်း၊ လက်ကားရောင်းဈေးတစ်လုံးလျှင် အသေး/အကြီးပေါ်မူတည်၍ ( ၁၅၀၀၀/- ) ကျပ်၊ (၁၈၀၀၀/-)ကျပ်နှင့်(၂၃၀၀၀/-)ကျပ်ဖြင့် လာရောက်ဝယ်ယူကြောင်း သိရှိရပါသည်။လက်ဆွဲခြင်းနှင့် ဇကာခုံးများကို ဇီးကုန်းမြို့၊ ရွှေဘိုမြို့နှင့် မုံရွာမြို့များသို့ တင်ပို့ရောင်းချကြောင်း သိရှိရပါသည်။
DOCA(စစ်ကိုင်း)