သကြားပြောင်းဖူးချိုကို မြန်မာနိုင်ငံအလယ်ပိုင်းဒေသ၊ စစ်ကိုင်းတိုင်းဒေသကြီး၊ မုံရွာမြို့နယ်ရှိ ကျေးရွာများတွင် စီးပွားဖြစ်စိုက်ပျိုးလျှက်ရှိသည်ကို တွေ့ရှိရပါတယ်၊ မြေတစ်ဧကကို သကြား ပြောင်းဖူးမျိုးစေ့ ၃ထုပ်မှ ၄ ထုပ်စိုက်ပျိုးရပြီး ပြောင်းမျိုးစေ့အများအပြားရှိသော်လည်း ပံ -၁၃၅ နှင့် မျှားနီ/ လေယာဉ်မျိုးများကိုသာ အများဆုံးစိုက်ပျိုးလျှက်ရှိပါကြောင်း၊ မျိုးစေ့ ၁ထုပ်လျှင် ပါဝင်မှုမှာ နို့ဆီဗူး (၄)ဗူးခန့်ရှိပြီး မျိုးစေ့ ၁ ထုပ် ကျပ်၂၇၀၀၀မှ ၂၈၀၀၀ ထိ ပေးဝယ်ရကြောင်း၊ မြေတစ် ဧကလျှင် ထွန်ယက်ခ တမနက် ၅၀ဝ၀ကျပ်နှုန်းဖြင့် ၁၀ မနက် ၅၀ဝ၀ဝကျပ် ပေး၍ထွန်ယက်ရကြောင်း၊ စိုက်ပျိုးပြီး အပင်ပေါက် ၁လကျော်လျှင် ပိုးသတ်ဆေး၊အပင်ဖြစ် ဆေး၊ဆေးဖျန်း ပေးခဲ့ရကြောင်း၊ မြေဆီဖိုး ၆သောင်းကျော်ကုန်ကျကြောင်း၊ မြေတစ်ဧက စိုက်ပျိုးလျှင် အပြီးအစီး ၄ သိန်း ဝန်းကျင် ခန့်ကုန်ကျကြောင်း၊ သကြားပြောင်းဖူးချိုကို ရာသီမရွေးရေတင်စိုက်ပျိုးနိုင်ပြီး စစိုက်ပျိုးချိန်မှ ရိတ်သိမ်းချိန်ထိ ရေ ၅ခါတင်ပေးရကြောင်း၊ ဆောင်းရာသီစိုက်ပျိုးလျှင် ရက်ပေါင်း ၉၀ မှ၁၀၀ ထိကြာပြီး ရေ ၃ခါတင်ပေးရကြောင်း၊ စတင်စိုက်ပျိုးချိန်မှာ စက်တင်ဘာလနှင့် အောက်တိုဘာလများတွင် စတင်စိုက်ပျိုးပြီး ဇန်နဝါရီလနှင့် ဖေဖော်ဝါရီလမျာတွင် ရိတ်သိမ်းရကြောင်း၊ ဆောင်းရာသီစိုက်ပျိုးလျှင် အမြတ်ပိုထွက်ရှိကြောင်း၊ အဖူးရိတ်သိမ်းချိန်ရောက်လျှင် ပြောင်းဖူးပွဲ စားများမှ စိုက်ခင်းအထိ လာရောက်ဝယ်ယူကြောင်း၊ ဈေးကောင်းလျှင် တဖူးကို (၂၀၀) နှုန်းနှင့် တစ်ဧက စိုက်ပင် (၅၀၀၀) လျှင် (၁၀)သိန်းကျပ်ဖြင့် ရောင်းချရပါကြောင်း၊ လက်လီရောင်းချပါက ယခုလက်ရှိအချိန်တွင် (၁၀၀၀)ဖိုး သကြားပြောင်းဖူး (၃/၄ )ဖူးဖြင့်ရောင်းချပါကြောင်း၊ တစ်ဧကကို လူငှား ၁၀ ဦးငှားပြီး တစ်မနက် မိန်းကလေး ကျပ် ၁၅၀၀ နှုန်းဖြင့် ပြောင်းဖူးများကို ရိတ်သိမ်း ကြောင်း၊ သကြားပြောင်းဖူးများကို ဒေသခံကုန်စိမ်းပွဲရုံများသို့ ရောင်းချခြင်း၊ မုံရွာကုန်စိမ်းပွဲရုံးများသို့ ကိုယ်တိုင်ကိုယ်ကျသွားရောက်ရောင်းချခြင်းရှိကြောင်း၊ တောင်သူအချို့မှာ သကြားပြောင်းဖူးချိုကို ၃/၄ ဧက စီးပွားဖြစ်စိုက်ပျိုးလျှက်ရှိကြပြီး တောင်သူတချို့မှာ တပိုင်တနိုင် ၁ဧက/ ၂ဧက ဝန်းကျင်ခန့် စိုက်ပျိုးလျှက်ရှိကြောင်း၊ သကြားပြောင်းဖူးချိုသည် မုံရွာမြို့နယ်ရှိ ကျေးရွာများနှင့် မြို့များတွင် ပြည်တွင်းပို့ကုန်အဖြစ် ရောင်းချလျက်ရှိပါကြကြောင်း၊ ယခင်နှစ်နှင့် နှိုင်းယှဉ်ပါက ယခုနှစ်တွင် ဈေးကွက်ပိုမိုရရှိပြီး ဈေးကောင်းရရှိနေပါကြောင်း၊ ဈေးပေါ်မူ တည်သော်လည်း ယခုနှစ်တွင် အောင်မြင်ဖြစ်ထွန်းသဖြင့် တစ်ဧကကို သိန်း(၆)ကျော်မှ (၇)သိန်း ဝန်းကျင် ခန့်အမြတ် အစွန်းရရှိခဲ့ကြောင်း၊ သကြားပြောင်းစိုက်ပျိုးသူ ဘုမ္မနိုးကျေးရွာတောင်သူထံမှသိရှိရ ပါသည်။
DOCA(စစ်ကိုင်း)